Read Lamkang Псалми 107 Bible Online

Псалми 107 - Lamkang bible

Псалми 107

¹Подготвено е срцето мое, Боже, подготвено е срцето мое; ќе пеам и ќе воспевам во славата своја.

²Разбудете се, псалтиру и гусле! Ќе станам рано.

³Ќе Те славам, Господи, меѓу народите; ќе Те воспевам меѓу племињата,

⁴зашто повисока од небото е Твојата милост, и до облаците е Твојата вистина.

⁵Издигни се над небесата Боже, и славата Твоја нека биде по целата земја,

⁶за да се избават Твоите возљубени; спаси ме со Твојата десница и услиши ме.

⁷Бог рече во своето светилиште: »Ќе се вознесам и ќе го разделам Сихем и ќе ја измерам долината Сокхот;

⁸Мој е Галад, Мој е Манасија, Ефрем е застапник на главата Моја, Јуда е Мој цар;

⁹Моав Ми е чаша на Мојата надеж, врз Едом ќе ја испружам обувката Своја, другоплемениците Ми се покорија.«

¹⁰Кој ќе ме воведе во укрепениот град? Кој ќе ме доведе до Едом?

¹¹Зар не си Ти, Боже, Кој нѐ отфрли и не излегуваш, Боже, со нашите војски?

¹²Дај ни помош да се избавиме од маката, зашто човечката заштита е суетна.

¹³Во Бога ќе имаме сила; Он ќе ги скрши непријателите наши.