Read Lamkang Псалми 114 Bible Online

Псалми 114 - Lamkang bible

Псалми 114

¹Се радувам, дека Господ ќе го услиши гласот на моето молење,

²зашто го приклони кон мене Своето уво, и затоа ќе Го призивам преку сите мои дни.

³Смртни болки ме обзедоа, пеколни маки ме стигнаа; се најдов во неволја и мака.

⁴Тогаш го повикав името Господово: О, Господи, избави ја душата моја!

⁵Милостив е Господ и праведен, и милосрден е нашиот Бог.

⁶Господ ги пази слабите: бев во мака и Он ми помогна.

⁷Врати се, душо моја, во својот мир, зашто Господ добро ти прави,

⁸бидејќи душата моја ја истргна од смрт, очите мои — од солзи, и нозете мои — од сопнување.

⁹Ќе одам со благодарност пред лицето на Господа во земјата на живите.