Read Lamkang Псалми 138 Bible Online

Псалми 138 - Lamkang bible

Псалми 138

¹Господи, Ти си ме испитал и ме знаеш.

²Ти знаеш кога седнувам и кога станувам; Ти оддалку ги разбираш мислите мои.

³Патеката моја и јажето мое — Ти си ги испитал; сите патишта мои си ги предвидел.

⁴Уште зборови не ми дошле до јазикот мој, Ти, Господи, веќе ги знаеш:

⁵Сѐ што ми било и сѐ што ќе биде. Зашто Ти си ме создал и си ја положил раката Своја врз мене.

⁶Се восхитувам на Твоетознаење, — тоа е превисоко, не можам да му пријдам!

⁷каде да одам од Твојот дух, и од лицето Твое каде да побегнам?

⁸Ако излезам на небото — Ти си таму; ќе слезам ли во пеколот, Ти си и тука.

⁹Ако ги земам крилјата рано в зори и се преселам на крајот од морето, —

¹⁰и таму ќе ме води Твојата рака, Твојата десница ќе ме држи.

¹¹Па си реков: можеби темнина ќе ме покрие, но и ноќта е како светлина околу мене;

¹²но и темнината нема да биде темнина за Тебе; и ноќта за Тебе е светла како ден и темнината како светлина.

¹³Зашто Ти си ја создал мојата внатрешниот и ме прифати од мајчината ми утроба.

¹⁴Те прославувам затоа што сум чудесно создаден. Прекрасни се Твоите дела; душата моја тоа добро го сознава.

¹⁵Ниедна моја коска не се сокри од Тебе, што си ја создал тајно, и природата моја во длабините на земјата.

¹⁶Твоите очи го видоа зародишот мој и во Книгата Твоја сѐ е запишано за мене, дури и деновите мои се забележани кога уште не постоеше ниеден.

¹⁷Твоите пријатели во голема се чест, Боже, и нивните владенија добро се зацврстени.

¹⁸Ќе ги пребројам — но тие се побројни и од песокта; се разбудив и сѐ уште сум со Тебе.

¹⁹Кога би сакал да ги убиеш, Боже, грешниците; иставете се од мене, крвопијци!

²⁰Ревниви се во помислите свои, суетно се креваат Твоите непријатели.

²¹Зар не ги замразив оние. Господи, кои Тебе те мразат, и зар не се изедов поради непријателите Твои?

²²Со полна омраза ги замразив; тие ми станаа непријатели.

²³Испитај ме, Боже, и познај го срцето мое; испитај ме и запознај ги патеките мои;

²⁴и види дали сум на пат на беззаконија, и упати ме на вечен пат.