Read Lamkang Псалми 139 Bible Online

Псалми 139 - Lamkang bible

Псалми 139

¹Спаси ме, Господи, од лукав човек и избави ме од неправеден човек;

²тие смислија зло врз срцето свое, секој ден се подготвуваат за борба;

³ги изострија јазиците свои како змија; под устите им е аспидин отров.

⁴Запази, ме, Господи, од рацете на грешник. Избави ме од луѓе неправедни, кои смислија да ми подметнат нога.

⁵Горделивите тајно поставија стапица, и распнаа примки од јажиња за мене; на патот ми поставија соблазна.

⁶Јас Му реков на Господа: Ти си Бог мој: услиши го, Господи, гласот на моето молење.

⁷Господи, Господи, сило на моето спасение! Ти, Кој во денот на битката ја засолни главата моја,

⁸не предавај ме, Господи, на грешникот против мојата желба; не давај да постигнат, што намислија за да не се возгордеат.

⁹Главата своја да не ја подигнат оние што ме опколија, нека падне врз нив злобата на нивната сопствена уста.

¹⁰Нека паднат врз нив жарени јаглења; да бидат фрлени во оган, па од маките да не станат.

¹¹Човек иноверец нема да се одрже на земјава; злото ќе го одвлече неправедниот човек во погибел.

¹²Разбрав дека Господ ќе покаже правда за угнетените и милост за сиромасите.

¹³Да, праведниците ќе ги исповедаат името Твое, и непорочните ќе се населат пред лицето Твое.