Read Lamkang Псалми 143 Bible Online

Псалми 143 - Lamkang bible

Псалми 143

¹Нека е благословен Господ, Бог мој, Кој ги учи рацете мои за борба и прстите мои за војна.

²Он е милост моја и прибежиште мое, мој застапник и избавител мој — и јас на Негосе надевам. Он ми го потчинува мојот народ мене.

³Господи, што е човекот, па внимаваш на него, или син човечки — та да се сеќаваш на него.

⁴Човекот е како здив; дните негови одминуваат како сенка.

⁵Господи, приклони ги небесата Свои и слези; допри се до горите, и тие ќе се здимат;

⁶болсни со молњи и ќе ги растераш, пушти ги стрелите Свои и ќе ги збуниш;

⁷подај ја раката Твоја од височини, изведи ме и избави ме од многуте води, од рацете на туѓински синови,

⁸чии усти кажуваат суета и чија десница е десница на неправдата.

⁹Боже, нова песна ќе Ти испеам, ќе Ти свирам на харфа со десет жици.

¹⁰Ти им даруваш спасение на царевите, Ти го избави Твојот слуга Давида од остар меч.

¹¹Избави ме и отми ме од рацете на туѓинските синови, чии усти лага говореа и чија десница е десница на неправдата.

¹²синовите наши се како нови насади во младоста своја, нашите ќерки се накитени и украсени како столбови во храмот.

¹³Полни се житниците наши, во изобилите со секаква храна; се плодат овците наши по пасиштата свои.

¹⁴И воловите ни се угоени, па нема паѓање не оградите, ни премин, ниту офкање по улиците наши.

¹⁵Блажен е оној народ, велатлуѓето, кој го има тоа! Блажен е оној народ, на кого Господ му е Бог!