Read Lamkang Псалми 149 Bible Online

Псалми 149 - Lamkang bible

Псалми 149

¹Запејте Му на Господа нова песна; похвала за Него да се чуе во храмот на светиите.

²Нека се весели Израилот на Својот Создател; а синовите на Сион, нека се радуваат на својот Цар.

³Нека го фалат името Негово во оро, со тимпани и со гусли нека Го слават,

⁴зашто Господ го сака Својот народ и ќе ги возвиши кротките, спасувајќи ги.

⁵Ќе се развеселат светиите во слава, ќе се зарадуваат врз леглата свои.

⁶Славословија за Бога ќе има во устите нивни и двоостер меч — во рацете нивни,

⁷за да извршат одмазда над народите, за казна над племињата,

⁸да ги врзат во верига царевите нивни и нивните властелини — со железни окови на рацете;

⁹да го извршат над нив напишаниот суд. Тоа ќе биде славата за сите Негови светии.