Read Lamkang Псалми 15 Bible Online

Псалми 15 - Lamkang bible

Псалми 15

¹Пази ме Господи, зашто на Тебе се надевам.

²Му реков на Господа: »Ти се Господ мој: моите добра Тебе не ти сѐ потребни.«

³На светиите, кои се на земјата Негова, им направи многу добрини и сѐ што сакаат да имаат.

⁴Се намножија немоќта на оние, што одат кон крвави жртви; јас нема да ги принесувам нивните крвави приливи и со устата своја нема да ги спомнам нивните имиња.

⁵Господ е дел на моето наследство и од чашата моја. Ти си Оној Кој го воспоставува наследството мое.

⁶Меѓите ми паднаа на најубавото; зашто наследството ми е најубаво.

⁷Ќе го благословувам Господа, Кој ме вразумува; па дури и ноќе ме учи мојот внатрешен глас.

⁸Секогаш Го гледав пред себе Господа, зашто Он е од мојата десна страна, за да не се поколебам.

⁹Заради тоа се возрадува срцето мое, и воскликна јазикот мој; па дури и телото мое ќе почива во надеж,

¹⁰оти Ти нема да ми ја оставиш душата моја во пеколот, ниту, пак, светецот Твој да види распаѓање.

¹¹Ти ми ги покажа патиштата на животот: со радост ме исполнува Твоето лице; вечно блаженство е во Твојата десница.