Read Lamkang Псалми 18 Bible Online

Псалми 18 - Lamkang bible

Псалми 18

¹Небесата ја објавуваат славата на Бога, а за делата на рацете Негови известува сводот небески.

²Ден на денот објавува, и ноќ на ноќта знаење открива.

³Нема јазик, ниту, пак, говор, во кој не се слуша нивниот глас.

⁴Нивниот звук се разнесува по целата земја, а нивните зборови до краиштата на вселената. На сонце го поставил Своето живеалиште;

⁵и излегува како младоженец од брачното легло, се радува како исполин, минувајќи по патот свој:

⁶од крајот на небесата е излезот негов, и патувањето негово до другиот крај; ништо не е сокриено од топлината негова.

⁷Непорочен е законот на Бога — душите ги укрепува; верно е откровението на Господа — ги учи припростите,

⁸и Господовите повелби се праведни — го веселат срцето; Господовата заповед зрачи светлина; ги просветлува очите.

⁹Стравот Господов е чист — пребива довека; судовите Господови се вистина — сите се праведни;

¹⁰поскапи се од злато и од скапоцени камења — послатки се од восочен мед.

¹¹Слугата Твој ги пази; а кој ги пази голема награда добива.

¹²Кој може да ги согледа своите грешки? И од оние тајни очисти ме,

¹³и од туѓите запази го слугата Твој, за да не овладеат со мене. Тогаш јас ќе бидам непорочен и ќе бидам очистен од големите престапи.

¹⁴Зборовите на устата моја и помислите на срцето мое нека бидат благоугодни пред Тебе, Господи, помошнику мој и избавителе мој!