Read Lamkang Псалми 24 Bible Online

Псалми 24 - Lamkang bible

Псалми 24

¹Ког Тебе, Господи, ја издигнувам душата своја.

²Боже мој, на Тебе се надевам, да не се посрамам довека, да не ме исмејуваат непријателите мои,

³да не се засрамат оние што се надеваат на Тебе; да се посрамат оние, што вршат беззаконија без причина.

⁴Покажи ми ги, Господи, патиштата Твои и научи ме да врвам по патеките Твои.

⁵Упати ме кон Твојата вистина и научи ме, зашто Ти си Бог на моето спасение; на Тебе се надевам секој ден.

⁶Спомни Си ги штедростите Твои, Господи, и милостите Твои, зашто се вечни.

⁷Гревовите на младоста моја и незнаењето мое не ги споменувај; по милоста Своја сети се на мене, заради Твојата доброта, Господи!

⁸Благ и праведен е Господ, грешниците ги изведува на пат,

⁹ги упатува кротките кон правда и ги учи кротките на Своите патишта.

¹⁰Сите патишта Господови се милост и вистина за оние, кои го пазат заветот Негов и откровението Негово.

¹¹Заради Твоето име, Господи, прости ми го гревот мој, зашто е голем.

¹²Кој човек е тој што се плаши од Господа? Нему Он ќе му покаже кој пат да избере.

¹³Неговата душа ќе почива во добро, неговото семе ќе ја наследи земјата.

¹⁴Близок им е Господ наоние што се плашат од Него; ним им го открива заветот Свој.

¹⁵Очите мои секогаш се кон Господа, зашто Он гивади од стапица нозете мои.

¹⁶Погледни на мене и смилуј се на мене, зашто сум самотен и во мака.

¹⁷Скрбите на срцето мое се умножија; извади ме од неволјите мои.

¹⁸Погледај ги страдањата и маките мои, па прости ми ги сите гревови мои.

¹⁹Погледај ги моите непријатели, колку многу се намножија и колку многу ме мразат.

²⁰Запази ја душата моја и избави ме, за да не се посрамам, зашто на Тебе се надевам.

²¹Непорочноста и правдата нека ме учат, зашто на Тебе се надевам, Господи.

²²Избави го, Боже, Израилот од сите невојли негови.