Read Lamkang Псалми 25 Bible Online

Псалми 25 - Lamkang bible

Псалми 25

¹Суди ме, Господи, бидејќи одев непорочно и, надевајќи се на Господа, нема да се поколебам.

²Искушај ме, Господи, испитај ме; отвори ги утробата моја и моето срце.

³Твојата милсот е пред очите мои, а јас одам во Твојата вистина,

⁴со луѓе суетни не седев и со престапници на законот Твој нема да отидам;

⁵го намразив собиралиштето на злонамерните; со нечестивите нема да седнам;

⁶ќе ги мијам рацете свои во невиноста и ќе го заобиколувам жртвеникот Твој, Господи,

⁷за да ја разгласувам похвалата Твоја и да ги раскажувам сите Твои чудеса.

⁸Господи, го засакав живелиштето на Твојот дом и местото каде што пребива и славата Твоја.

⁹Не погубувај ја душата моја со грешници и животот мој со луѓе крвници,

¹⁰во чии раце има беззаконие, чија десница е полна со поткупи.

¹¹Јас, пак, одам во својата непорочност, избави ме, Господи, и помилуј ме.

¹²Ногата моја стои на прав пат, во собранијата ќе Те благословувам, Господи.