Read Lamkang Псалми 27 Bible Online

Псалми 27 - Lamkang bible

Псалми 27

¹Кон Тебе, Господи, викам: не биди безгласен кон мене, та да не заприлегам при Твоето молчење на оној што слегува во гроб.

²Чуј го гласот на молитвите мои, кога Ти се молам, кога кревам раце кон Твојот свет храм.

³Не вбројувај ме меѓу нечестивци и злосторници, кои со ближните свои говорат за мир, а во срцето имаат зло.

⁴Подај им, Господи, според нивните дела, според нивните лоши постапки; според делата на нивните раце, подај им го она што го заслужиле.

⁵Зашто не ги разбраа делата на Господа, ниту делата на рацете Негови; Он ќе ги сосипе и нема да ги подигне.

⁶Благословен Господ, зашто Он го чу гласот на молитвите мои.

⁷Господ е крепост моја и штит мој; на Него се надеваше срцето мое и Он ми помогна; затоа се зарадува срцето мое и Јас ќе го прославувам со сето мое срце.

⁸Господ е крепост на Својот народ и заштитник за спасението на Својот помазаник.

⁹Спаси го народот Свој и благослови го наследството Твое; паси ги и издигај ги довека!