Read Lamkang Псалми 3 Bible Online

Псалми 3 - Lamkang bible

Псалми 3

¹Господи, колку многу се намножија непријателите мои! Мнозина се креваат против мене;

²мнозина велат за душата моја: нема спас за него во Бога.

³Но Ти, Господи, си застапник мој, слава моја; Ти ја подигаш главата моја.

⁴Со гласот свој викам кон Господ, и Он ме слуша од Својата Света Гора.

⁵Легнувам, спијам и станувам, оти Господ ме чува.

⁶Не се плашам од многу илјади луѓе, што од сите страни навалиле на мене.

⁷Стани Господи! Спаси ме, Боже мој! Зашто Ти ги поразуваш сите мои непријатели и им ги здробуваш забите на грешниците.

⁸Од Господа е спасението. Твојот благослов нека биде на народот Твој.