Read Lamkang Псалми 30 Bible Online

Псалми 30 - Lamkang bible

Псалми 30

¹На Тебе, Господи, се надевам, за да не се посрамам довека; поради правдата Своја спаси ме и очисти ме.

²Приклони го увото Твое кон мене, побрзај да ме избавиш. Биди ми Бог заштитник и прибежиште, за да се спасам.

³Зашто Ти си крепост моја и прибежиште мое, заради името Твое поведи ме и управувај со мене.

⁴Изведи ме од оваа стапица, која потајно ми ја поставија, зашто Ти си мој заштитник.

⁵Во Твоите раце го предавам духот свој; Ти си ме спасувал, Господи, Боже на вистината.

⁶Не ти се мили оние што пазат суетни работи, но јас се надевав на Господа.

⁷Ќе се радувам и ќе се веселам поради Твојата милост, зашто Ти погледна на смиреноста моја и ја спаси од мака душата моја,

⁸и не ме предаде во рацете не непријателите мои; нозете мои ми ги постави на чистина.

⁹Помилуј ме, Господи, зашто сум притеснет од скрб: се помрачија во јароста окото мое, душата моја и утробата моја.

¹⁰Премале од жал животот мој, и годините мои — од воздишки; изнеможе силата моја, и страв во коските мои ме опфати.

¹¹Пред сите непријатели мои станав за прекор, дури и пред соседите мои, а и плашило за познатите мои; оние што ќе ме видат на пат, бегаат од мене.

¹²Заборавен како мртовец сум во срцата на луѓето; станав како скршен сад,

¹³бидејќи чув дека мнозина околу мене погубно шетаат, и кога ќе се соберат заедно, се договораат и душата моја да ми ја одземат.

¹⁴Јас, пак, се надевам на Тебе, Господи, и си реков: Ти си мој Бог.

¹⁵Дните мои се во Твоите раце; избави ме од рацете на непријателите мои и од гонителите мои.

¹⁶Нека засветлилицето Твое над слугата Твој; спаси ме со Твојата милост.

¹⁷Господи, не допушти да се посрамам, поради тоа што кон Тебе повикав; нечестивите нека се посрамат и нека замолкнат во пеколот.

¹⁸Да онемеат лажливите усти, што говорат лошо против праведникот со гордост и презрение.

¹⁹Колку е голема добрината Твоја, Господи, што си ја запазил за оние, кои се бојат од Тебе, и што си ја приготвил за оние, кои се надеваат на Тебе пред синовите човечки!

²⁰Ќе ги сокриеш под покривот на лицето Свое од човечките возбуди, ќе ги заклониш од нападите на јазиците противнички.

²¹Нека е благословен Господ, зашто ја пројави кон мене Својата чудесна милост во утврдениот град!

²²Во малодушноста своја си реков: отфрлен сум од очите Твои; но Ти ги услиши гласот на молитвата моја, кога повикав кон Тебе.

²³Сакајте Го Господа, сите праведници Негови, зашто Господ бара вистина и им отплатува на оние, кои премногу гордо постапуваат.

²⁴Вие сите бидете силни инека крепне срцето ваше што се надевате на Господа!