Read Lamkang Псалми 31 Bible Online

Псалми 31 - Lamkang bible

Псалми 31

¹Блажени се оние, чии беззаконија им се простени, и чии гревови се покриени!

²Блажен е оној човек, на кого Господ не му зема за грев, и во чија уста нема лукавство!

³Затоа што замолкнав, се исушија коските мои од секојдневното мое воздишување,

⁴бидејќи и дење и ноќе тежеше над мене раката Твоја, копнеев како на летен припек.

⁵Но јас го познав гревот мој и не го сокрив беззаконието свое, па реков: »Ќе ги исповедам на Господа моите престапи,« и Ти ми го прости гревот мој.

⁶Затоа секој праведник нека Ти се помоли навреме, и тогаш притисокот од многуте води нема да го достигне.

⁷Ти си мое прибежиште од маката со која сум опкружен; радост моја голема, спаси ме од оние кои ме опколија.

⁸»Ќе те вразумам,« — вели Бог — »ќе ти го покажам патот, по кој да одиш; ќе ги управувам очите Мои на тебе.«

⁹»Не бивајте како коњ или како маска, кои немаат разум, чија челуст со узда и оглавник се скротува за да ти се покоруваат.«

¹⁰Многу маки ќе го снајдат грешникот, но оној кој се надева на Господа, него милост ќе го опкружува.

¹¹Веселете се во Господа и радувајте се, праведници: радувајте се сите кое сте со чисти срца.