Read Lamkang Псалми 36 Bible Online

Псалми 36 - Lamkang bible

Псалми 36

¹Не жести се поради злобниците и не завидувај им на оние што вршат беззаконие,

²зашто тие ќе се исушат како трева, и како зелено растение набргу ќе свенат.

³Надевај се на Господа и прави добро; живеј на земјата и таа ќе те храни изобилно.

⁴Утешувај се со Господа, и Он ќе ти даде срцето срцето твое што ќе посака.

⁵Откриј го патот свој пред Господа и на Него надевај се и Он ќе изврши сѐ;

⁶и ќе ја изведе правдата твоја како светлина, и справедливоста твоја — како пладне.

⁷Покори Му се на Господа и моли Го усрдно. Не жести се на оној, кој успева на патот свој, на човек кој врши беззаконие.

⁸Престани да се гневиш и остави ја јароста, не жести се толку многу — самиот да не правиш зло,

⁹зашто оние, што вршат зло, ќе бидат истребени, а оние, кои се надеваат на Господа, ќе ја наследат земјата.

¹⁰Уште малку, и грешникот ќе го нема; ќе го побараш местото негово и нема да го најдеш.

¹¹А кротките ќе ја наследат земјата и ќе се насладуваат во изобилен мир.

¹²Грешникот ќе демнее на праведниот и ќе чкрта со забите против него,

¹³но Господ ќе го измее, зашто однапред гледа, дека му се ближи крајот.

¹⁴Грешниците ги вадат мачевите, го оптегнуваат лакотсвој, за да го кутнат бедниот и сиромавиот, за да ги прободат оние, што се со чисто срце.

¹⁵Но мечот нивни нека се забие во нивното срце, и лаковите нивни нека се скршат.

¹⁶Малото богатство кај праведниот е многу подобро отколку големото богатство на грешниците.

¹⁷Зашто мишките на грешниците ќе спласнат, а на праведниците Господ им ги поткрепува.

¹⁸Господ ги знае патиштата на непорочните; и нивното наследство ќе биде вечно:

¹⁹во зло време нема да бидат посрамени и во деновите на глад ќе бидат сити;

²⁰зашто грешниците ќе загинат, и непријателите Господови ќе ги снема заедно со нивната слава и величие; ќе исчезнат како дим.

²¹Грешникот зема на заем и не може да врати, а праведникот е милостив и дава,

²²зашто оние, кои Господа Го благословуваат, ќе ја наследат земјата, а кои Го проколнуваат, ќе бидат истребени.

²³Господ ги зацврстува стапките на човекот и мили Му се неговите патишта:

²⁴кога треба да падне, нема да се разбие, зашто Господ ќе го држи.

²⁵Бев млад, веќе остарев, и не видов оставен праведник ниту потомците негови леб да просат;

²⁶тој секој ден знае да се смилува и на заем да дава, и потомството негово ќе биде благословено.

²⁷клони се од зло и прави добро, па ќе живееш вечно;

²⁸зашто Господ ја сака правдата и не ги остава праведниците Свои; нив вечно ќе ги чува. А беззакониците ќе бидат исфрлени и потомството на безбожниците ќе биде истребено.

²⁹Праведниците ќе ја наследат земјата и ќе живеат на неа вечно.

³⁰Устата на праведникот кажува мудрост, а јазикот негов изговара правда.

³¹Законот на неговиот Бог е во срцето негово; стапките негови нема да се сопнат;

³²грешникот го демне праведникот и бара да го убие;

³³но Господ нема да го предаде во негови раце и нема да го осуди, кога ќе биде суден.

³⁴Надевај се на Господа и пази ги Неговите патишта; Он ќе те воздигне, за да ја наследиш земјата; и ќе го гледаш истребувањето на грешниците.

³⁵Видов страшен безбожник, кој се превознесуваше и издигаше како кедрите ливански.

³⁶Поминав и, ете, го нема; го побарав, и не го најдов.

³⁷Чувај ја незлобивоста и пази ја правдата, зашто наследството на таков човек е мир;

³⁸а безбожниците сите ќе бидат истребени, нивното наследство ќе се затре.

³⁹Спасението, пак, на праведниците доаѓа од Господа и Он е нивни заштитник во тешко време;

⁴⁰и ќе им помага Господ и ќе ги избави; ќе ги одбере од грешниците и ќе ги запази, зашто на него се надеваат.