Read Lamkang Псалми 37 Bible Online

Псалми 37 - Lamkang bible

Псалми 37

¹Господи, во јароста Своја не карај ме и во гневот Свој не казнувај ме,

²зашто стрелите Твое се забија во мене, и Твојата рака тежи врз мене,

³За телото мое нема лек од Твојот гнев; во коските мои нема мир од гревовите мои;

⁴зашто беззаконијата мои ја надвишија главата моја, како тешко бреме ме притиснаа.

⁵Смрдат и гнијат раните мои поради безумието мое.

⁶Настрадав и се стопив сосема, цел ден натажен одам;

⁷бидејќи одвнатре горам од оган, нема лек за телотомое.

⁸Озлобен сум и прекумерно понизен; рикав поради воздишките на срцето Мое.

⁹Господи, пред Тебе сесите мои желби, и мојата воздишка не е сокриена од Тебе.

¹⁰Срцето ми се возбуди, и ме напушти силата моја, и светлината на очите мои, — и неа ја нема во мене.

¹¹Моите пријатели и моите ближни се приближија и не се доближија; застанаа подалеку од мене,

¹²а оние што ја бараа душата моја, зборуваа лошо и без основа и секој ден кроеја сплетки;

¹³а јас, пак, како глув не слушав и сум како нем, кој не ја отвора устата своја;

¹⁴станав како човек, што не слуша и што во устата своја нема прекор,

¹⁵зашто на Тебе, Господи, се надевав; Ти ќе ме услишиш, Господи, Боже мој.

¹⁶Оти си реков: да не се погордеат над мене моите непријатели; и кога ми се поколебаа нозете мои, тие изговорија лоши зборови над мене.

¹⁷Готов сум да паднам, и јадот мој секогаш е пред мене.

¹⁸Беззаконието свое го признавам и ќе се смирувам поради гревот мој.

¹⁹А непријателите мои живеат и сѐ посилни стануваат од мене, и се намножија оние што неправедно ме мразат,

²⁰па враќајќи ми зло за добро, бидејќи бев за правда, тие ме отфрлија како мртовец.

²¹Не оставај ме, Господи, Боже мој, не отстапувај од мене;

²²побрзај да ми помогнеш, Господи, Спасителе мој!