Read Lamkang Псалми 43 Bible Online

Псалми 43 - Lamkang bible

Псалми 43

¹Боже, со ушите наши чувме, а татковците наши ни раскажуваа за делото што си го направил во нивните дни, во деновите древни.

²Ти со Твојата рака си истребил народи, а нив си ги населил; си поразил луѓе и си ги изгонил;

³бидејќи тие не со меч ја придобија земјата, и нивните мишки не ги спасиле, туку Твојата десница и Твојата мишка и светлината на Твоето лице, зашто Ти беа по волја.

⁴Боже, само Ти си цар мој и Бог мој, Кој му извојува победа на Јакова.

⁵Со Тебе, како со рогови, ќе ги избодеме нашите непријатели, и со Твоето име ќе ги уништиме оние, што востануваат против нас;

⁶зашто јас нема да се надевам на мојот лак и мечот мој нема да ме спаси;

⁷туку Ти ќе нѐ спасиш од непријателите наши и ќе ги посрамиш оние што нѐ мразат.

⁸Со Бога ќе се фалиме секој ден и Твоето име вечно ќе го прославуваме.

⁹Но сега Ти нѐ отфрли и нѐ посрами, па не излегуваш, Боже, со нашите војски;

¹⁰нѐ сврти во бегство пред непријателите наши, и оние, што нѐ мразат, нѐ ограбуваа.

¹¹Нѐ предаде како овци да нѐ изедат и нѐ растури меѓу незнабошците.

¹²Ефтино го продаде народот Свој и со тоа не ја крена цената негова;

¹³нѐ предаде за презир кај соседите наши, за потсмев и хулење на оние, кои живеат околу нас;

¹⁴нѐ направи за приказ меѓу незнабошците, и мнозина ја вртат главата.

¹⁵Секој дена срамот мој е пред мене, и црвенило го покрива лицето мое,

¹⁶од гласот на оној што се потсмева и од клеветникот, од непријателите и одмаздниците.

¹⁷Сето тоа нѐ снајде нас, но ние не Те заборавивме, Тебе и не го нарушивме Заветот Твој.

¹⁸И не отстапи срцето наше, и стапките наши не се отклонија од Твојот пат.

¹⁹зашто нѐ порази во местото, каде што бевме озлобени и нѐ покри со смртна сенка.

²⁰Ако го бевме заборавиле името на нашиот Бог и да ги бевме протегнале рацете наши кон туѓ бог,

²¹зар Бог тогаш немаше да испита за тоа? Зашто Он ги знае тајните на срцата.

²²Заради Тебе умираме секој ден, нѐ сметаат како овци определени за клање.

²³Разбуди се, зошто спиеш, Господи! Разбуди се, и не отфрлај нѐ засекогаш!

²⁴Зошто го одвраќаш лицето Свое, ја забораваш бедата наша и неволјата наша?

²⁵Бидејќи душата наша се понизи до прав, а утробата ни се прилепила на земјата,

²⁶стани, Господи, и помогни ни, избави нѐ поради името Твое.