Read Lamkang Псалми 48 Bible Online

Псалми 48 - Lamkang bible

Псалми 48

¹Чујте го ова сите народи; внимавајте вие сите што живеете по вселената,

²земнородни и синови човечки, како богатите така и сиромасите.

³Устата моја ќе кажува мудрост, и мислата на срцето мое — поука.

⁴Ќе го наклонам увото свое кон раскажувањето: со гусла ќе ја отркијам гатанката моја.

⁵Зошто да се плашам во тешки денови, кога беззаконието на моите патишта ќе ме опколи?

⁶Вие, што се надевате на силите свои и се фалите со големото богатство свое, чујте:

⁷Братот не може да се искупи; а може ли човекот да се откупи? На Бога нема да му даде откуп за него,

⁸ниту цена за откуп на душата своја.

⁹Некој и ќе се намачи долго, ќе живее до крајот и пак ќе пропадне, кога ќе види дека и мурдите умираат.

¹⁰Неразумните и безумните загинуваат заедно, а го оставаат богатството на други.

¹¹Тие си мислат, дека гробовите нивни се вечни, живеалиштата од род во род, така што земјите нивни ги носат имињата нивни.

¹²И човек со почест ова не го разбира; па заприлегува на животните, со кое се поистоветува.

¹³Тој нивни пат е нивна соблазна, иако потоа сосвојата уста убаво ќе зборуваат.

¹⁴Тие се како овци затворени во пеколот, смртта им е пастир, и изутрина праведните ќе господарат над нив; но силата нивна ќе се истроши во пеколот од славата нивна.

¹⁵Но Бог ќе ја спаси душата моја од раката на пеколот, кога ќе ме прими.

¹⁶Не плаши се кога човек богатее, когаславата на домот негов расте;

¹⁷зашто, умирајќи, ништо нема да земе, ниту, пак, славата негова ќе појде по него;

¹⁸макар што при животот негов душата негова ја ублажуваат, а тебе те фалат кога си угодуваш;

¹⁹ќе отиде дури во родот на своите татковци, нема никогаш да види светлина.

²⁰Човек, кој неразумно живее, сличен е на животните.