Read Lamkang Псалми 50 Bible Online

Псалми 50 - Lamkang bible

Псалми 50

¹Помилуј ме, Боже, поради големата Твоја милост, и заради големата Твоја добрина избриши ги беззаконијата мои.

²Многупати ме изми од моето беззаконие и очисти ме од мојот грев,

³зашто беззаконието мое го знам и мојот грев е секогаш пред мене.

⁴Пред Тебе Единствениот згрешив и пред Тебе зло извршив, за да бидеш праведен кога ќе пресудуваш и да победиш кога ќе судиш.

⁵Ете, во беззаконие сум зачнат и во грев ме роди мајката моја.

⁶Но, Ти ја засака вистината во срцето, и внатре вомене ми ја објави непознатата и тајната премудрост Твоја.

⁷Пороси ме со исоп, и ќе бидам чист; измиј ме и ќе бидам побел од снег.

⁸Дај ми да чујам радост и веселба, и ќе се зарадуваат коските мои ослабнати.

⁹Сврти го лицето Свое од гревовите мои и избриши ги сите мои беззаконија.

¹⁰Создај чисто срце во мене, Боже, и дух вистински обнови во мене.

¹¹Не отфрлај ме од лицето Свое и Светиот Дух Твој не одземај Го од мене.

¹²Врати ми ја радоста, спасувајќи ме и со Својот моќен Дух зацврсти ме.

¹³Беззакониците ќе ги научам да одат по Твоите патишта, и безбожниците кон Тебе ќе се обрнуваат.

¹⁴Избави ме од крвта, Боже, на моето спасение, и јазикот мој ќе се зарадува на Твојата правда.

¹⁵Господи, отвори ја устата моја, и устата моја ќе ја објави похвалата Твоја;

¹⁶оти, да сакаше жртва, јас ќе Ти ја принесев; но сепалениците не ги сакаш.

¹⁷Жртвата пред Бога е смирен дух; срце понизно и смирено Ти, Боже, не отфрлуваш.

¹⁸Господи, направи му добро на Сион, според благоволението Свое, воздигни ги ѕидовите ерусалимски.

¹⁹Тогаш ќе Ти бидат угодни жртвите на правдата, вознесувањата и жртвите сепаленици; тогаш на Твојот олтар ќе принесуваат телци.