Read Lamkang Псалми 55 Bible Online

Псалми 55 - Lamkang bible

Псалми 55

¹Смилуј се Боже, на мене, зашто човек сака да ме голтне; напаѓајќи секој ден, ме притиска.

²Моите непријатели по цел ден ме газат, зашто мнозина се оние, кои ме напаѓаат со гордост.

³Кога страв ќе ме спопадне дење, на Тебе се надевам.

⁴Во Бога ќе ги фалам зборовите свои; на Бога се надевам. Нема да се плашам; што може да ми направи човек?

⁵Секој ден ги извртуваат зборовите мои; сите нивни мисли упатени против мене се зло.

⁶Се собираат и се кријат, ги набљудуваат петите мои, упорно работат против мојот живот.

⁷Нема за што да ги спасуваш, Боже, Со гнев Боже, собери ги народите.

⁸Боже, Ти го знаеш животот мој, солзите мои Си ги ставил пред себе — како во заветот Твој.

⁹Непријателите мои ќе се врататназад, секогаш кога Те призовувам; по тоа знам дека Ти си Бог мој.

¹⁰Со Бога се фалам за Неговото слово. Со Господа се фалам за зборот Негов.

¹¹На Бога се надевам, не се плашам; што може да ми направи човекот?

¹²Во мене се, Боже, благодарствените молитви мои кон Тебе, кои ќе Ти ги упатам.

¹³Зашто Ти ја избави душата моја од смрт, а и нозете мои од сопнување, за да благоугодам пред Бога во светлината на живите.