Read Lamkang Псалми 61 Bible Online

Псалми 61 - Lamkang bible

Псалми 61

¹Па, зар во Бога не се успокојува душата моја? Та од Него е моето спасение.

²Зашто Он е Бог мој, и мој Спасител. Застапник мој: нема повеќе да се поколебам.

³До кога ќе притискаат врз човекот? Го уривате сите вие како наклонет ѕид и накривена ограда.

⁴намисливте да го отфрлите моето достоинство со лага; со устата своја благословувате, а со срцето свое колнете.

⁵А ти, душо моја, само по Бога оди, зашто на Него трпеливо се надевам.

⁶Он е Бог мој и Спасител мој: застапник мој и нема веќе да се колебам.

⁷Во Бога е моето спасение и мојата слава; Он е Бог Кој ми помага и надежта моја е во Бога.

⁸Надевајте се на Него сите луѓе, отворете го срцето ваше пред Него: Бог е нашиот помошник.

⁹Синовите човечки се само суета; синовите човечки се лажливци; кога би ги ставиле на мерило, тие сите заедно би биле полесни од здив.

¹⁰Не се надевајте на неправда и не посакувајте отимање; кога богатството расте, не го приврзувајте срцето кон него.

¹¹Еднаш Бог рече, а двапати јас го чув тоа, дека силата е во Бога,

¹²дека во Тебе, Господи, е силата Божја и дека во Тебе има милост, зашто Ти ќе му дадеш на секого според делата негови.