Read Lamkang Псалми 65 Bible Online

Псалми 65 - Lamkang bible

Псалми 65

¹Воскликни Му на Бога, земјо цела!

²Воспејте го името Негово, воздајте Му слава и похвала!

³Кажете Му на Бога: колку се страшни делата Твои! Поради големината на силата Твоја, ќе Ти се покоруваат непријателите Твои.

⁴Целата земја нека Ти се покорува и да Ти пее, да Му пее на Твоето име, Севишни.

⁵Дојдете и видете ги делата Божји, колку е страшен во одлуките Свои за синовите човечки.

⁶Он го претвори морето во суво; преку река минува со ногата; таму се зарадувавме поради Него.

⁷Со Својата моќ Он владее вечно; Неговите очи гледаат на народите, за да не се кренат бунтовниците.

⁸Благословувајте Го, народи, нашиот Бог и искажете Му похвала гласно.

⁹Он ѝ даде живот на душата моја и не дозволи да потклекнат нозете мои;

¹⁰Ти нѐ испита, Боже, со оган нѐ очисти, како што среброто со оган се пречистува.

¹¹Ти нѐ воведе при мака, нанесе маки на нашите племиња.

¹²Допушти луѓето да ни се качат на глава. Минавме низ оган и вода, но нѐ изведе да здивнеме.

¹³Ќе влезам во Твојот дом со сепаленица, ќе Ти ги исполнам моите завети,

¹⁴што ги изговорија усните мои и ги искажа устата моја кога бев во неволја.

¹⁵Мрсни сепаленици ќе Ти принесам Тебе, со кадило од овни, ќе Ти принесам Тебе и волови и кози.

¹⁶Дојдете и чујте вие сите кои се боите од Бога и ќе ви раскажам сѐ што направи Он за душата моја.

¹⁷Повикав кон Него со устата моја и Го возвеличив со јазикот свој.

¹⁸Да мислев беззаконие во срцето мое, Господ немаше да ме услиши.

¹⁹Затоа ме услиши Господ, го чу гласот на молењето мое.

²⁰Нека е благословен Бог, Кој не ја отфрли молитвата моја и не ме остави без милоста Своја!