Read Lamkang Псалми 71 Bible Online

Псалми 71 - Lamkang bible

Псалми 71

¹Боже, дај му го на царот Својот суд, а на царевиот син — Својата правда,

²за да им суди праведно на Твоите луѓе и на сиромасита Твои по правда.

³Горите нека им донесат мир на луѓето, и ритчињата — праведност,

⁴Он ќе им суди на бедните меѓу луѓето, и ќе ги спаси синовите на сиромасите, а клеветникот ќе го понизи.

⁵И ќе живеат, додека постои сонцето и месечината — од род во род.

⁶И ќе слезе како дожд на ливада, како капки што наросуваат земја.

⁷Во Негово време ќе зацари правда, и ќе има изобилен мир сѐ додека не се одземе месечината.

⁸И ќе владее од море до море и од реката до краиштата на земјата.

⁹Пред Него ќе паднат ничкум Етиопјаните, и непријателите Негови ќе ја лижат прашината;

¹⁰царевите на Тарсис и островјаните дарови ќе му принесуваат; и царевите на Арабија и од Саба дарови ќе му донесуваат.

¹¹И ќе Му се поклонуваат сите цареви; ќе Му служат сите народи;

¹²зашто Он ќе избави беден од силник и сиромав, кој нема помошник.

¹³Ќе го поштеди бедниот и сиромавиот и ќе го спаси животот на сиромасите;

¹⁴од лихви и неправди ќе ги избави душите нивни, и чесно ќе биде името нивно пред Него;

¹⁵и Он ќе поживее, па ќе му даваат арабиско злато; и ќе Му се молат непрестајно, секој ден ќе Го благословуваат;

¹⁶Ќе има тврдина на земја, по врвовите на горите; плодот Негов ќе се издига над Ливан, а во градовите луѓето ќе се размножуваат како тревата по земјата,

¹⁷Неговото име нека биде благословувано вечно: уште пред сонцето Неговото име постои; и во Него ќе бидат благословени сите земни племиња, а и сите народи ќе Го ублажуваат.

¹⁸Нека е благословен Господ Бог, Бог Израилев, Кој само Он прави чудеса;

¹⁹и нека е благословено Неговото славно име довека, и со славата Негова нека се исполни целата земја! Амин и амин!

²⁰Завршија молитвите на Давида, Јесеевиот син.