Read Lamkang Псалми 73 Bible Online

Псалми 73 - Lamkang bible

Псалми 73

¹Зошто Боже, нѐ отфрли засекогаш? Зошто гневот Твој се разгоре на овците од Твоето пасиште?

²Сети се на Твојот народ, кого уште од порано го придоби, ги избави со жезалот како наследсто Твое, тоа е гората Сионска, на која си се населил.

³Крени ги рацете Свои против нивната крајна гордост, против сите зла што непријателот ги направи во светилиштето Твое.

⁴И се пофалија Твоите непријатели среде празникот Твој; поставија свои бојни знаци како знамиња, но не ги познаа.

⁵зашто горе при влезот многу ги имаше,

⁶па како во густа горичка со секира ја исекоа нејзината врата, со секира и дрвен чекан одеднаш ја скршија;

⁷го запалија со оган Твоето Светилиште, го осквернија на земјата местото, на кое името Твое престојува.

⁸Рекоа во срцата свои оние што беа сродни на нив: »Ајде да отстапиме од сите Божји празници на земјата!

⁹Знаците свои не ги гледаме, нема повеќе ни пророк, и за нас нема веќе да се знае.«

¹⁰До кога, Боже, ќе се гордее над нас непријателот? Вечно ли противникот ќе го дразни името Твое?

¹¹Зошто ја одвраќаш раката Своја и десницата Своја во пазувите Свои ја држиш?

¹²Но Бог е Царот наш уште од пред вековите, Он приготвил спасение среде земјата!

¹³Боже, со силата Своја Ти си ги утврдил морињата, и гисотре главите на водните страшила.

¹⁴Ти ѝ ја здроби главата на змијата и им ја даде како храна на народот етиопски.

¹⁵Ти ги отвори изворите и потоците, ти ги исуши реките итамски.

¹⁶Твој е денот и Твоја е ноќта: Ти си ги постави светилата и сонцето;

¹⁷Ти ги создаде сите предели на земјата, летото и пролетта Ти ги определи.

¹⁸Сети се сепак на ова; непријателот го навреди Господа; луѓе безумни го раздразнија Твоето име.

¹⁹Не прадавај ја на ѕверовите душата на оние кои се надеваат на Тебе; не заборавај ги засекогаш душите не сиромасите Твои.

²⁰Погледај на Својот завет, зашто сите мрачни домови по земјата се исполнија со беззаконици;

²¹Да не се врати посрамен потиснатиот; сиромавиот и бедниот ќе го прославуваат Твоето име.

²²Стани Боже, по правдата Своја пресуди; сети се како секој ден Те хули безумникот.

²³Не заборавај го гласот на оние кои Ти се молат; гордоста на оние што Те мразат постојано се крева против Тебе.