Read Lamkang Псалми 78 Bible Online

Псалми 78 - Lamkang bible

Псалми 78

¹Боже, незнабожците дојдоа во Твоето наследство, го осквернија светиот Твој храм, Ерусалим го претворија во урнатини.

²Мртвите тела на Твоите слуги им ги дадоа како храна на птиците небесни, а телата на Твоите светии — на земните ѕверови;

³ја пролија нивната крв како вода околу Ерусалим, и немаше кој да ги погребе.

⁴Станавме за потсмев на соседите наши, срам и подбив за оние што се околу нас;

⁵До кога, Господи, ќе се разгневуваш постојано, до кога ќе гори лутината Твоја како оган?

⁶Излеј го гневот Свој врз народите, што не Те познаваат, и врз царствата, кои не го признаваат името Твое,

⁷зашто тие го испојадоа Јакова и местото негово го опустошија.

⁸Не спомнувај ги нашите поранешни беззаконија, туку побрзај да нѐ престретнеш со Својата милосрдност, зашто многу сме осиромашени.

⁹Помогни ни, Боже, Спасителе наш, поради славата на името Твое, избави нѐ и очисти нѐ од гревовите наши заради името Твое!

¹⁰Зашто незнабожците да велат: »Каде е нивниот Бог?« Барем пред очите наши да ја видиме одмаздата над незнабожците за пролеаната крв на Твоите слуги.

¹¹Да дојде пред Тебе офкањето на окованите; со силата на Твојата мишка зачувај ги синовите осудени на смрт.

¹²Седумкратно врати ги во пазувите на нашите соседи хулењата, со кои Те хулеа Тебе, Господи.

¹³А ние, пак, народот Твој и овци од Твоето пасиште, вечно ќе Те славиме и од род во род ќе разгласуваме за Тебе похвала.