Read Lamkang Псалми 79 Bible Online

Псалми 79 - Lamkang bible

Псалми 79

¹Пастиру Израилев, послушај! Ти, Кој го водиш Јосифа како стадо, Кој седиш на херувимите, јави се!

²Пред Ефрема, Венијамина и Манасија издигни ја силата Своја и дојди да нѐ спасиш.

³Боже, поврати нѐ; нека светне лицето Твое, и ние ќе се спасиме!

⁴Господи, Боже на силите, до кога ќе бидеш гневен на молитвата од слугите Твои?

⁵Ќе нѐ храниш ли со солзлив леб, и напојуваш со солзи изобилно?

⁶Нѐ направи приказ за кавги меѓу нашите соседи, и нашите непријатели ни се смеат.

⁷Господи, Боже на силите, поврати нѐ! Нека светне лицето Твое, и ние ќе се спасиме!

⁸Ти ја пренесе од Египет лозата, ги изгони народите и ја посади;

⁹исчисти за неа место, и ги зацврсти корењата нејзини, и таа ја исполни земјата.

¹⁰Горите се покрија од сенката нејзина, и гранките ѝ се како кедрови Божји;

¹¹таа пушти гранки до морето и младици до реката.

¹²Зошто ја сруши нејзината ограда, па да ја берат сите, што минуваат по патот?

¹³Горскиот вепар ја подгризува, и полската ѕверка ја јаде.

¹⁴Боже на силите! Сврти се, погледај од небесата и види го и посети го ова лозје;

¹⁵и утврди го она што го посади десницата Твоја; погледај и на синот човечки, што си го зацврстил за Себе.

¹⁶Тоа е со оган обгорено и раскопано; од страв пред Твоето лице нека пропаднат.

¹⁷Твојата десница нека биде раката Твоја над човекот, и на синот човечки, кого си го зацврстила за Себе.

¹⁸А ние нема да отстапиме од Тебе; оживи нѐ, и ние ќе го призиваме Твоето име.

¹⁹Господи, Боже на силите, поврати нѐ; нека свети лицето Твое, и ние ќе се спасиме!