Read Lamkang Псалми 84 Bible Online

Псалми 84 - Lamkang bible

Псалми 84

¹Господи, Ти омиле земјата Твоја, го врати од пленство Јакова.

²Ти им ги прости беззаконијата на Твоите луѓе, ги покри сите нивни гревови,

³го смири сиот Свој гнев, ја ублажи јароста на гневот Свој.

⁴Поврати нѐ, Боже, спасение наше, и одврати ја Твојата јарост од нас.

⁵Зар вечно ќе се гневиш на нас, или ќе го протегнеш гневот Свој од род во род?

⁶Нема ли, Боже, да се повратиш, и пак да нѐ оживееш, и луѓето Твои да се зарадуваат во Тебе?

⁷Покажи ни ја, Господи, Твојата милост, и подари ни спасение.

⁸Ќе чујам што ќе ми рече Господ Бог, зашто Он ќе зборува за мир на Својот народ и на Своите светии, и на оние што со срцето свое Му се обраќаат Нему.

⁹Да, спасението од Него е блиску до оние, кои се бојат од Него, за да ја насели славата своја во нашата земја.

¹⁰Милоста и вистината ќе се сретнат, правдата и мирот ќе се целиваат.

¹¹Вистината ќе изникне од земјата, а правдата ќе се појави од небото;

¹²Зашто Господ ќе даде добро, и нашата земја ќе го даде својот плод;

¹³правдата ќе оди пред Него и на патот ќе ги става стапките свои.