Read Lamkang Псалми 89 Bible Online

Псалми 89 - Lamkang bible

Псалми 89

¹Господи, Ти си ни прибежиште од род во род.

²Дури уште пред да се појават горите, и пред создавањето на земјата и на вселената, отсекогаш и за секогаш Ти постоиш.

³Не враќај го човекот во прав, бидејќи си рекол: »обратете се синови човечки!«

⁴Зашто пред Твоите очи илјада години се како вчерашен ден, што поминал, и колку една стража преку ноќта.

⁵Годините нивни минуваат; тие се како трева — изутрина;

⁶наутро ќе процути и ќе помине, а навечер паѓа и се исушува.

⁷Така и ние исчезнуваме од Твојот гнев, и од Твојата јарост сме во забуна.

⁸Ти си ги поставил пред Себе нашите беззаконија, векот наш е во светлината на лицето Твое.

⁹Сите наши дни се скратуваат и од Твојот гнев исчезнуваат, па веќе нѐ нема; нашите години се трудеа како пајак.

¹⁰Дните на нашиот живот се седумдесет години, а ако сме крепки и до осумдесет години; и повеќе време од нив се во труд и болести, бидејќи брзо минуваат и ние летаме со нив.

¹¹Која ја знае силата на Твојот гнев, па во стравот пред Твојата јарост да се плаши?

¹²Научи нѐ така со десницата Твоја, па да се здобиеме со мудро срце.

¹³Сврти се, Господи, до кога вака? Смилувај се на Твоите слуги.

¹⁴Се исполнивме изутрина со Твојата милост, Господи, и се зарадувавме и се развеселивме во сите наши дни,

¹⁵се развеселивме за оние дни, кога нѐ понизуваше, за годините, во кои видовме зло.

¹⁶па призри на слугите Твои и на делата Твои, и научи ги синовите нивни.

¹⁷И славата на нашиот Господ Бог нека биде со нас, и во делата на рацете наши помагај ни.