Read Lamkang Псалми 95 Bible Online

Псалми 95 - Lamkang bible

Псалми 95

¹Запејте Му на Господа песна нова, запеј Му на Господа, цела земјо!

²Пејте Му на Господа, благословувајте го името Негово, благовестите го од ден на ден спасението од Него;

³разгласувајте ја меѓу народите славата Негова, и на сите народи — чудесата Негови;

⁴зашто велик е Господ и достоен за пофалба, страшен е Оне над сите богови.

⁵Бидејќи сите богови на незнабожците се бесови, а Господ го создаде небото.

⁶Слава и величие се пред лицето Негово, светост и великолепие — во светилиштето Негово.

⁷Воздајте Му на Господа, племиња народни, воздајте Му слава и чест;

⁸воздајте Му на Господа слава на името Негово, земете жртви и влезете во неговите дворови;

⁹поклонете Му се на Господа во светите дворови Негови. Да затрепери пред лицето Негово целата земја!

¹⁰Кажете им на народите: Господ се зацари! затоа цврста е вселената, нема да се разниша.

¹¹Нека се развесели небото и да се возрадува земјата, нека се раздвижи морето и она што го исполнува;

¹²нека се радуваат полињата и сѐ што е на нив, да ликуваат сите дрвја по дубравите,

¹³пред лицето на Господа, зашто иде, зашто Он иде да ѝ суди на земјата. Он ќе ѝ суди на вселената по правда, и на народите — според Својата вистина.