Read Lamkang Мудри Соломонови Изреки 12 Bible Online

Мудри Соломонови Изреки 12 - Lamkang bible

Мудри Соломонови Изреки 12

¹Кој ја сака поуката, го сака и знаењето; а кој го мрази изобличувањето — неразумен е.

²Добриот добива благодат од Господа, а на подмолниот Он ќе му суди.

³Човек нема да се зацврсти со беззаконие; а коренот на праведните е неподвижен.

⁴Добродетелна жена е венец за мажот свој, а онаа, што го срамоти, е како гнилеж во коските негови.

⁵Помислете на праведните се правда, а плановите на нечестивите — подмолност.

⁶Зборовите на нечестивите се заседа за пролевање крв, а устата на праведните ги спасува.

⁷Каде и да се свртат нечестивите — исчезнуваат, а домот на праведните останува.

⁸Човекот го фалат според разумот негов, а развратниот по срце ќе биде презрен.

⁹Подобро и прост, но да работиш за себеси, отколку да се фалиш, а да немаш леб.

¹⁰Праведникот се грижи и за животот на добитокот свој, а срцето на грешникот е жестоко.

¹¹Кој ја обработува земјата своја ќе се наситува со леб; а кој оди по стапките на безработниците, е малоумен. Кому му е драго да губи време по вино, тој ќе остави во куќата своја безчестие.

¹²Желбите на грешниците се зли; но корењата на праведниците се силни.

¹³Нечесниот се фаќа во мрежа преку гревовите на устата своја; но праведниот ќе се спаси од неа. Кој гледа кротко, ќе биде помилуван, а кој оди кон вратата, стеснува други.

¹⁴Од плодот на устата своја човекот се наситува добро, и на човека му се дава според делата на рацете негови.

¹⁵Патот на неразумниот му се чини прав во неговите очи; но кој слуша совет, тој е мудар.

¹⁶Глупавиот веднаш ќе го покаже гревот свој, а благоразумниот го покрива срамот.

¹⁷Кој го кажува она, што го знае, тој говори правда, а лажниот сведок, говори измама.

¹⁸Празнословецот ранува како меч, а јазикот на мудрите исцелува.

¹⁹Праведната уста сведочи право, а лажливиот јазик е брз за измама.

²⁰Во срцето на оние што мислат зло, има подмолност, а кај миротворците — радост.

²¹Праведниот нема да го достаса никакво зло, а нечесните ќе бидат преполни со зло.

²²Лажливата уста е одвратност пред Господа, а којшто говори вистина, благоугоден Му е Нему.

²³Расудлив човек го прикрива знаењето свое, а срцето на глупавите ја разгласува својата лудост.

²⁴Раката на избраните ќе господари, а на лажливите ќе биде во плен.

²⁵Тагата во срцето го притиска човекот, а добриот збор го развеселува.

²⁶Праведниот му го покажува патот на ближниот свој, а патот на нечесните ги води во заблуда.

²⁷Мрзливиот својот лов не го пече; а трудољубивоста е големо богатство.

²⁸По патот на правдата има живот, а во нејзината патека нема смрт.