Read Lamkang Мудри Соломонови Изреки 13 Bible Online

Мудри Соломонови Изреки 13 - Lamkang bible

Мудри Соломонови Изреки 13

¹Мудар син слуша татковата поука, а непослушниот не го слуша прекорот.

²Од плодот на устата своја човекот ќе вкуси добро, а душата на беззаконикот ќе загине предвреме.

³Кој ја чува устата своја, тој ја чува душата своја; а кој широко ја отора устата своја, тешко нему.

⁴Душата на мрзливиот посакува, но напразно; а душата на работливиот ќе се насити.

⁵Праведиот го мрази лажливиот збор, а нечесниот се срами и нема смелост.

⁶Правдата го чува непорочниот, а нечеснотса го погубува грешникот.

⁷Некој се покажува богат, а нема ништо; друг се прикажува за сиромав, а има големо богатство.

⁸Со богатство човек го искупува животот свој, а сиромавиот и заплашувањето не го слуша.

⁹Светлината на преведниците свети секогаш, а светилото на нечесните згаснува. Подмолните души талкаат во гревови, а праведниците се милостиви и милуваат.

¹⁰Од гордоста произлегува спечалено со беззаконие, се намалува, а кој собира со труд, го зголемува.

¹¹Богатството, спечалено со беззаконие, се намалува, а кој собира со труд, го зголемува.

¹²Надежта, долго неостварена, го изнемоштува срцето, а исполнета желба е како дрво на животот.

¹³Кој не води грижа за словото, тој си штети, а кој се бои од заповедта, нему ќе му се даде.

¹⁴Кај лукав син нема ништо добро, а на разумен слуга делата му успеваат, и патот му е прав.

¹⁵Учењето на мудриот е извор на животот, кој го оддалчува од мрежите на смртта.

¹⁶Добриот разум донесува пријатност, а патот на беззаконицте, води во пропаст.

¹⁷Секој благоразумен работи со знаење, а глупавиот се истакнува со глупости.

¹⁸Лош гласник паѓа во беда, а верен гласник е спасение.

¹⁹Немаштија е срам за оној, што го отфрла учењето; а оној, кој ја пази поуката, ќе се прослави.

²⁰Изполнета желба е пријатана за душата, но на глупавите им е тешко да го одбегнуваат злото.

²¹Кој се состанува со мудри, мудар ќе биде; а кој другарува со безумни, глупав ќе биде.

²²Грешниците злото ги гони, а на праведниците им се враќа добро.

²³Добриот остава наследство и на внуци, а богатството на грешникот се чува за праведните.

²⁴Праведните имаат богатство многу години, неправедните бргу го загубуваат.

²⁵Кој ја жали прачката своја, го мрази синот свој; а кој го сака, го казнува за да го поправи.

²⁶Праведникот јаде до наситување, а стомакот на беззакониците трпи од недостиг.