Read Lamkang Мудри Соломонови Изреки 14 Bible Online

Мудри Соломонови Изреки 14 - Lamkang bible

Мудри Соломонови Изреки 14

¹Мудра жена си ја уредува куќата, а глупавата ја урива со рацете свои.

²Кој оди по прав пат, се плаши од Господа; на кого патиштата му се криви, тој не мисли за Него.

³Во устата на безбожникот се камшикот на гордоста; а мудрите ги запазува нивната уста.

⁴Каде што нема волови, јаслите се празни; а од силата на воловите има изобилно жито.

⁵Верен сведок не лаже, а лажливиот сведок шири многу лаги.

⁶Развратникот бара мудрост, и не ја наоѓа; а разумниот до знаењето лесно доаѓа.

⁷Бегај од безумен човек, кај кого не забележуваш разумна уста.

⁸Мудроста на разумниот е да го знае патот свој, а безумноста на безрасудните е заблуда.

⁹Домовите на беззакониците треба да се чистат, а домовите на праведните се чисти и пријатни.

¹⁰Срцето ја знае тагата на душата своја, и туѓ не се меша во радоста негова.

¹¹Куќите на беззакониците ќе се сотрат, а живеалиштата на праведните ќе опстојат.

¹²Има патишта, кои на човека му изгледаат прави, но крајот нивни води до дното на пеколот.

¹³И при смеа понекогаш срцето боли, а по радоста настаува тага.

¹⁴Човек со развратно срце ќе се насити од своите патишта, но добриот — си оди по правите.

¹⁵Неразумниот верува на секој збор, а благоразумниот е внимателен на своите чекори.

¹⁶Мудриот бега од злото, а неразумниот се надева во себе и со беззаконици се дружи.

¹⁷Избувливиот човек не слуша совет, а пакосниот е омразен.

¹⁸Безумните се исполнуваат со злоба, а благоразумните се украсуваат со венец.

¹⁹Лошите ќе се приклонат пред добрите, а нечесните — служат пред вратите на праведникот.

²⁰Сиромавиот го мразат дури и неговите блиски, а богатиот има многу пријатели.

²¹Греши оној што го презира сиромавиот, а блажен е оној што е милосрден кон сиромасите.

²²Нели се заблудуваат оние, што кројат зло? Не знаат милост и верност, кои вршат зло; но милост и верност има кај оние што мислат добро.

²³Од секој труд има изобилен плод, а празните зборови и негрижата водат кон скудност.

²⁴Венец на мудрите е богатството нивно, а животот на безумните е само зло.

²⁵Верен сведок души спасува, а лажливиот лаги измислува.

²⁶Во стравот пред Господа има голема надеж, и на чедата Свои Он им е прибежиште.

²⁷Стравот Господов е извор на животот, извор што оддалечува од мрежите на смртта.

²⁸Во многуброен народ е величието на царот, а кога нема народ — пропаст е за господарот.

²⁹Кај трпеливиот човек разум има многу, а лутиот полн е со глупости.

³⁰Кроткото срце е живот за телото, а зависта е гнилеж за коските.

³¹Кој притеснува сиромав, го навредува неговиот Создател, а кој Го почитува Создателот, му прави добро на оној што е во нужда.

³²За своето зло нечесниот ќе биде отфрлен, а праведниот и при смртта ќе има надеж.

³³Мудроста почива во срцето на разумниот, а во срцето на безумниот не се јавува.

³⁴Правдата подига народ, а беззаконието ги срамоти племињата.

³⁵На царот мил му е разумниот слуга, а се разгневува против оној, кој го посрамува.