Read Lamkang Мудри Соломонови Изреки 15 Bible Online

Мудри Соломонови Изреки 15 - Lamkang bible

Мудри Соломонови Изреки 15

¹Гневот и разумни погубува. Кроткиот одговор гневот го ублажува, а навредлив збор јарост предизвикува.

²На мудрите јазикот добри знаења искажува, а на безумните устата глупост им објавува.

³Очите Господови се на секое место: тие ги гледаат лошите и добрите.

⁴Кроток јазик е дрво на животот, кој го запазува — ќе се исполни со дух.

⁵Безумниот се подбива со татковата поука; а кој слуша изобличувања, благоразумен е. Во многу правда име голема сила, а нечесните ќе бидат искоренети од земјата.

⁶Во куќата на праведникот — обилни ризници, а имотот на нечесниот — пропаѓа.

⁷Устите на мудрите знаење сеат, но срцето на безумните не постапува така.

⁸Жртвата на нечесните е одвратност пред Господа, а одговорите на праведните Му се благоугодни.

⁹На нечесниот патот е одвратност пред Господа, а кој ја бара правдата, Он го сака него.

¹⁰Казната на добриот сите ја гледаат, а кој го мрази изобличувањето — срамно завршува.

¹¹Пеколот и пропаста се откриени пред Господа, а како ли нема да бидат — срцата на синовите човечки?

¹²Развратникот не ги сака оние, што го прекоруваат, тој не разговара со мудрите.

¹³Весело срце го прави лицето весело, а при срдечна жалост — тоа е натажено.

¹⁴На разумен срцето бара знаење, а устите на безумните со зло се хранат.

¹⁵На измамник сите дни му се тажни; а на кого срцето му е весело, во него секогаш има гозба.

¹⁶Подобро малку, но со страв Господов, отколку голема ризница, и со неа немир.

¹⁷Подобро јадење од зеленчук, и со него љубов, отколку угоени телиња, и со нив омраза.

¹⁸Избувлив човек расправии крева, а трпеливиот расправии смирува. Трпеливиот караници смирува, а нечесниот ги разгорува.

¹⁹Патот на мрзливиот е послан со трње, а патот на праведниот е чист.

²⁰Мудар син го радува татка си, а безумниот — ја ожесточува мајка си.

²¹На малоумниот безумни му се патеките, а разумен човек оди по правиот пат.

²²Без советување намерите се расутраат, а при многу советници тие успеваат.

²³Безумниот не слуша добар совет, а и не советува она што е добро за сите.

²⁴Мудриот размислува за патот на животот, за да се отстрани од патот што води во пеколот и да се спаси.

²⁵Господ ќе го сотре домот на гордите, а меѓата на вдовицата ќе ја зајакне.

²⁶Помислите на лошите се одвратни пред Господа, а зборовите на непорочните Му се угодни.

²⁷Лакомиот ќе го растури својот дом, а оној, кој мрази подароци, ќе живее; со милостиња и чесност гревовите се чистат, а стравот од Господа запазува од гревот.

²⁸Срцето на праведниот се поучува од верата, а устата на нечесните исфрла зло. Пријатни се пред Господа патиштата на праведните; преку нив и непријателите стануваат пријатели.

²⁹Господ е далеку од нечесните, но ја слуша молитвата на праведните.

³⁰Светол поглед срце радува, добра вест коски храни.

³¹Кој го слуша учењето на животот, меѓу мудри ќе живее.

³²Кој ја отфрла поуката, ја мрази душата своја; а кој слуша изобличување, тој ја сака душата своја.

³³Стравот Господов учи на мудрост, а пред славата оди смиреноста.