Read Lamkang Мудри Соломонови Изреки 18 Bible Online

Мудри Соломонови Изреки 18 - Lamkang bible

Мудри Соломонови Изреки 18

¹Тврдоглавиот се управува според своите желби и станува против сѐ што е умно.

²Безумниот не сака знаење; него глупоста го води.

³Со доаѓањето на нечесниот доаѓа и презирот, а со прекорот — доаѓа и срамот

⁴Зборовите на човечката уста се длабоки води; тоа е река од изворот на животот.

⁵Не е добдро да бидеше лицемерен кон нечесниот, за да го собориш праведниот во судот.

⁶Устата на безумниот води кон кавга, а зборовите негови предизвикуваат смрт.

⁷Јазикот на безумниот е погибел за него, а усните негови се стапица за душата негова.

⁸Сравот го соборува мрзливиот, а мажите со души слични на жени ќе гладуваат.

⁹Зборовите на клеветникот се како слатки, и тие вегуваат внатре во утробата.

¹⁰Немарниот во работата своја е брат на расипникот.

¹¹Името на Господа е цврста кула: ако во неа побегне праведник, во безопасност е.

¹²Имотот на богат човек е како силен град и во мислите му е како висока ограда.

¹³Пред паѓање срцето на човекот се возгордува, а смиреноста оди пред славата.

¹⁴Кој дава одговор пред да ислуша, безумен е, тоа е срам за него.

¹⁵Духот на човекот го поткрепува во немоќ, а скршен дух — кој може да поткрепи?

¹⁶Срцето на разумнитот се здобива со знаење, и увото на мудрите бара знаење.

¹⁷Подарокот, што го дава човекот, му отвора пат и до големците го доведува.

¹⁸Првиот по тужбата си е прав, но доаѓа противникот негов и го порекнува.

¹⁹Жребот прекинува расправии и решава спор меѓу силните.

²⁰Кога брат, братот свој го помага, тоа е силен град, а тој е како силна тврдина.

²¹Од плодот на устата на човекот се полни стомакот негов; од плодовите на устата своја тој се наситува.

²²Смртта и животот му се потчинети на јазикот, и оние што го владеат, ќе вкусат од плодовите негови.

²³Кој нашол добра жена, нашол добро и добил благодат од Господа. Кој избркува добра жена, го брка доброто, а кој поддржува прељубница, безумен е и нечесен.

²⁴Сиромавиот говори со молба, а богатиот одговара остро.

²⁵Кој сака да има пријатели, и сам треба да биде дружељубив; зашто има пријатели поприврзани од брат.