Read Lamkang Мудри Соломонови Изреки 19 Bible Online

Мудри Соломонови Изреки 19 - Lamkang bible

Мудри Соломонови Изреки 19

¹Подобро сиромав, кој оди во својата непорочност, отколку богат со лажлива уста, притоа и глупав.

²Не ѝ е добро на душата без знаење; а кој брза со нозете, се сопнува.

³Глупоста на човекот му го искривува патот негов, а срцето негово негодува против Господа.

⁴Богатството собира многу пријатели, а сиромавиот го напушта и пријателот негов.

⁵Лажниот сведок нема да остане неказнет, и кој говори лага, нема да се спаси.

⁶Мнозина им се умилкуваат на големците, и секој му е пријател на човекот, кој дава подароци.

⁷Сиромавиот го мразат сите негови браќа, а уште повеќе се оддалечуваат од него пријателите: трчка по нив, за да проговори — но нив ги нема.

⁸Кој се здобива со разум, ја сака душата своја; кој ја пази мудроста, наоѓа добро.

⁹Лажниот сведок нема да остане неказнет, а кој говори лага ќе загине.

¹⁰На безумниот не му прилега раскош, уште помалку на слуга — да господари над кнезови.

¹¹Благоразумноста го прави човекот бавен на гнев, и за него е чест да биде снисходлив кон грешките.

¹²Гневот на царот е како лавовско рикање, а љубовта негова — како роса по трева.

¹³Безумен син е пропаст за татка си, и жена кавгаџика е како незапирлива капка од стреа.

¹⁴Куќата и имотот се наследуваат од родителите, а разумна жена е дар од Господа.

¹⁵Мрзливоста тоне во сон, е немарна душа трпи глад.

¹⁶Кој пази заповед, ја запазува душата своја, а кој не се грижи за своите патишта, ќе загине.

¹⁷Кој прави добро на сиромав, заем Му дава на Господа, и Он ќе му плати за неговата добрина.

¹⁸Казни го сина си, додека има надеж, и не се возбудувај од викањето негово.

¹⁹Гневниот нека трпи казна, зашто ако го пожалиш, ќе треба да го казниш уште повеќе.

²⁰Слушај го, синко, советот на таткото твој, за да станеш потоа мудар.

²¹Во срцето на човекот има многу мисли, но се извршува само определената од Господа.

²²Радост за човека е неговата милостиња; сиромавиот е подобар праведник од лажливиот богаташ.

²³Стравот Господен води кон живот, и кој го има, секогаш ќе биде задоволен, и зло нема да го снајде.

²⁴Мрзливиот ја крие раката во пазувата своја и не сака да ја подигне до устата своја.

²⁵Ако го казниш оној што се потсмева, и простиот ќе стане разумен; и ако му укажеш на разумниот, тој ќе ја разбере поуката.

²⁶Кој го упропастува татка си и ја набркува мајка си, син е бесрамен и нечесен.

²⁷Немој, синко, да слушаш совети што те отстрануваат од зборовите на разумни.

²⁸Лукавиот сведок се потсмева со судот, и устата на беззакониците голта неправда.

²⁹Готови се судовите за невоздржливи, и ударите за телото на безумните.