Read Lamkang Мудри Соломонови Изреки 2 Bible Online

Мудри Соломонови Изреки 2 - Lamkang bible

Мудри Соломонови Изреки 2

¹Синко, ако ги примиш зборовите на Моите заповеди, и ги зачуваш во себеси,

²ако увото твое внимателно ја слуша мудроста, ако срцето твое се приклони кон размислување, ако со нив го поучиш синот твој;

³ако ги повикаш знаењето и разумот;

⁴ако ги бараш како сребро и ги истражуваш како ризница, —

⁵ќе го разбереш стравот Господов и ќе го најдеш знаењето за Бога.

⁶Зашто Господ дава мудрост; од устата Негова доаѓа знаењето и разумот;

⁷Он го зачувува за праведните спасението; Он е штит за оние што одат непорочно;

⁸Он ги чува патиштата на правдата и ја брани патеката на оние, кои Го почитуваат.

⁹Тогаш ќе ги разбереш правдата и правосудието, правината и секој добар пат.

¹⁰Кога мудроста ќе влезе во срцето твое, и знаењето ќе ѝ биде пријатно на душата твоја,

¹¹тогаш расудувањето ќе те брани, разумот ќе те чува,

¹²за да те спаси од лош пат, од човек, кој говори лага,

¹³од оние, што ги напуштиле патиштата на правдата, за да одат по пат не темнината;

¹⁴од оние, што се радуваат, вршејќи зло, кои се восхитуваат на расипаност,

¹⁵чии патишта се криви, и кои талкаат далеку од правиот пат;

¹⁶за да те спаси од жената на друг, од туѓа, која ги засладува зборовите свои,

¹⁷која го остава пријателот на младоста своја, и која го заборава заветот на својот Бог.

¹⁸Домот нејзин води кон смрт, и патеките нејзини — кон пеколот;

¹⁹никој од влезените при неа не се враќа никогаш и не стапнува на патот кон животот.

²⁰Затоа оди по патот на добрите и придржувај се за патеките на праведните,

²¹зашто праведните ќе живеат на земјата, и непорочните ќе опстанат на неа;

²²а беззакониците ќе бидат истребени од земјата, и вероломните — искоренети од неа.