Read Lamkang Мудри Соломонови Изреки 26 Bible Online

Мудри Соломонови Изреки 26 - Lamkang bible

Мудри Соломонови Изреки 26

¹Како снег во летно време и дожд во време на жетва, така и честа не му прилега на безумниот.

²како врапче што ќе фркне, како ластовица што ќе одлета, — така и незаслужена клетва нема да се збидне.

³Камшик — за коњ, узда — за осел, а стап — за безумните.

⁴Не му одговаран на безумниот според глупоста негова, за да не станеш и ти сличен на него;

⁵но одговори му на безумниот против глупоста негова, за да не помисли оти е мудар.

⁶Кој усно порачува на безумен, тој ги потсекува нозете свои, трпи непријатност.

⁷Како што криват нозете на куциот, така и расказот куца во устата на безумните.

⁸Она што е оној што клава во праќка скапоцен камен, таков е и оној, кој му прави чест на безумен.

⁹Она што е трнлива гранка во раката на пијаница, тоа е и зборот во устата на безумните.

¹⁰Силниот сѐ врши по своја волја: и глупавиот го дарува, и секој минувач го наградува.

¹¹Како што кучето се враќа на изблуеното, така и безумниот ја повторува својата глупост.

¹²Ако си видел човек, кој што се смета за мудар, тогаш повеќе надевај се на безумен, отколку на него.

¹³Кога го испраќаат мрзливиот на пат, тој вели: »ѕвер е на патот, лав има на плоштадот!«

¹⁴Вратата се врти на куките свои, а мрзливиот — на леглото свое.

¹⁵Мрзливиот ја крие раката своја во пазувата, и тешко му е да ја принесе до устата своја.

¹⁶Мрзливиот се смета за помудар од седуммина, кои смислено одговараат.

¹⁷Кој, минувајќи, се замешува во туѓа караница, фаќа куче за уши.

¹⁸Како што разгневениот фрла оган, стрели и смрт,

¹⁹таков е и човекот, кој подмолно го оштетува пријателот свој и потоа вели: »Јас само се пошегував.«

²⁰Кога нема веќе дрва, огнот згаснува, и кога нема клеветник, раздорот стивнува.

²¹Јагленот е за жар, а дрвата — за оган, кавгаџијата, пак — кавга да разгорува.

²²Зборовите на оговарачот се како слатки и влегуваат внатре во утробата.

²³Она што е глинен сад, глеѓосан со сребро, такви се пламените усти и злобното срце.

²⁴Со устата своја непријателот се преправа, а во срцето подмолност крие;

²⁵кога говори дури и со нежен глас, не верувај му, зашто во срцето негово има седум одвратности.

²⁶Ако омразата негова се прикрива насамо, злобата негова ќе се открие во собранието народно.

²⁷Кој копа јама, ќе падне во неа, и кој тркала камен угоре, врз него ќе се врати.

²⁸Лажливиот јазик ги мрази оние, што ги сопира, и устата ласкава подготвува пропаст.