Read Lamkang Мудри Соломонови Изреки 5 Bible Online

Мудри Соломонови Изреки 5 - Lamkang bible

Мудри Соломонови Изреки 5

¹Синко, внимавај на мудроста моја и приближи го увото кон зборовите мои,

²за да ја запазиш добрата мисла, и устата твоја да го зацврсти знаењето; не ѝ обрнувај внимание на лошата жена,

³зашто мед тече од устата на блудница, и нејзиниот збор е помек од елејот;

⁴но последиците од неа се горчливи како пелин, остри како меч со две сечива;

⁵нозете нејзини слегуваат кон смртта, стапките нејзини водат до пеколот.

⁶Таа не оди по патот на животот, патиштата нејзини се непостојани, таа не е разумна.

⁷Затоа сега, синко, послушај ме и не отстапувај од зборовите Мои.

⁸Држи го подалеку од неа патот свој и не приближувај се до вратата на куќата нејзина,

⁹за да не си го дадеш животот свој на друг и годините свои на мачител;

¹⁰за да не се наситуваат туѓинците од твојата сила, и трудовите твои да не бидат за туѓа куќа,

¹¹за да офкаш отпосле, кога плотта твоја и телото твое ќе бидат истоштени, —

¹²оти потоа ќе речеш: »Зошто ја мразев поуката, и срцето мое го презираше разобличувањето,

¹³зошто не го послушав гласот на моите учители, и не го приклонував увото кон оние што ме поучуваа?

¹⁴За малку ќе паднев во секакво зло среде собранието и општеството!«

¹⁵Пиј од водата на твојот извор и од онаа, што извира од твојот кладенец.

¹⁶Нека не се разлеваат твоите извори по улицата, водните потоци — по плоштадите;

¹⁷нека ти припаѓаат тие само тебе, а не и на туѓинци.

¹⁸Благословен да биде изворот твој; и утешувај се со жената на својата младост,

¹⁹Нека ти е мила како кошута и како срна драга; нејзините гради нека те допираат во секое време, со љубовта нејзина насладувај се постојано;

²⁰и зошто ти е, синко, да се забавуваш со надворешна и да ги прегрнуваш градите на туѓа?

²¹Оти патиштата на човекот се пред очите на Господа, и Он ги гледа сите патеки негови.

²²Беззаконикот го фаќаат неговите сопствени беззаконија, и врските на гревот негов го држат:

²³тој умира без да биде поучен, и поради големото свое безумие загинува.