Read Lamkang Проповедник 4 Bible Online

Проповедник 4 - Lamkang bible

Проповедник 4

¹Се свртив и ги видов сите неправди, што стануваат под сонцето; и ете, солзите на она онеправданите, а утешител немаат силата е во рацете на клеветниците, а закрилник нема.

²Па си реков: блазе им на умрените, што умреле одамна, отколку на живите, што живеат досега;

³а поблажен е и од едните и од другите оној, што уште не постои, кој не ги видел лошите работи, што се вршат под сонцето.

⁴А видов исто, дека секој труд и секој успех во работите предизвикува меѓу луѓето заемна завист. Но и тоа е суета и мака за духот.

⁵Глупавиот седи со скрстени раци и го гризе своето сопствено тело.

⁶Подобро една рака во мир, отколку две со труд и мака во духот.

⁷Се свртив и видов друга суета под сонцето:

⁸човек осамен, нема друг; нема ни син, ни брат, а пак на сите работи негови крај нема, и очите негови не можат да се наситат со богатство. »За кого, пак, — вели тој — се трудам и ја лишувам од добра душата своја?« — Ете, и тоа е суета и лоша работа.

⁹Подобро им е на двајца, отколку на еден, бидејќи имаат добра награда за трудот свој.

¹⁰Зашто, ако паден едниот, другиот ќе го крене другарот свој. Но тешко на еден, ако падне, ќе нема друг, кој да го крене.

¹¹Исто, кога лежат двајца, топло им е; а еден — како ќе се згрее?

¹²И, ако некој го надвие едниот, тоа двајца ќе го навасаат, и јажето, трипати усукано, нема лесно да се скине.

¹³Подобар е младич сиромав и умен, отколку цар — неразумен и стар, кој веќе не умее да прима совети;

¹⁴зашто младичот може да излезе од темница и да стане цар, иако се родил сиромав во царството.

¹⁵Ги видов сите живи, што одат под сонцето, се потпираат на младич што ќе го наследи неговото место.

¹⁶Број немаше сиот оној народ, што беше пред него, иако подоцнежните нема да му се радуваат. И тоа е суета и мака во духот.

¹⁷Чувај ја ногата своја, кога одиш во Божјиот дом, и биди готов повеќе да слушаш, отколку да гледаш како безумните принесуваат жртви; зашто тие не знаат, оти вршат зло.