Read Lamkang Песна над песните 7 Bible Online

Песна над песните 7 - Lamkang bible

Песна над песните 7

¹Сврти се, сврти се Суламко, сврти се, сврти се, да те погледаме! Зошто сакате да ја гледате Суламка, како на оро манаимско?

²О, колку се убави нозете твои во сандали, ќерко знаменита! Облите колкови твои се како веришки, дело од рацете на вешт уметник,

³папокот ти е како чаша тркалезна, никогаш без арома; утробата твоја — купа пченица, опкружена со кринови;

⁴двете твои гради — како две јаренца, како близначиња на срна;

⁵Вратот твој — како столб од слонова коска; очите твои — Есевонски езерца кај Ватравимските порти; носот твој — Ливанска кула, свртена кон Дамаск;

⁶главата твоја на тебе — како Кармил; а косата на главата твоја — како пурпур; цар се вплел во плетенките.

⁷О, колку си убава, о, колку заносна, возљубена моја, со твојата убавина!

⁸Таа твоја снага прилега на палма, а твоите гради — на гроздови.

⁹Си помислив: да се качев на палма, би се фатил за ветките нејзини; и твоите гради би биле место гроздови, и мирисот од твоите ноздри — како мирис на јаболко;

¹⁰устата твоја е како најдобро вино. Тоа тече право кон возљубениот мој, и тече нечујно преку устните кои спијат.

¹¹Јас припаѓам на возљубениот мој, и тој копнее по мене.

¹²Дојди, мил мој, да излеземе во полето, да преноќеваме по селата;

¹³утре рано ќе појдеме во лозјата, да видиме дали потерала лозата, дали се отвориле пупките, процутеле ли калинките; таму ќе те опсипам со милувања.

¹⁴Мандрагорите веќе шират пријатен мирис, и до вратата наша има секакви најубави плодови, нови и стари; кои ги зачував за тебе, мил мој!