Read Lamkang Мудрост Соломонова 4 Bible Online

Мудрост Соломонова 4 - Lamkang bible

Мудрост Соломонова 4

¹Подобро е бездетството со добродетел, зашто споменот за неа е бесмртен, таа се признава и од Бога и од луѓето.

²Кога е овде, на неа се угледуваат, кога ќе си отиде — се стремат кон неа, во вечноста, овенчани — вечно прославувана, зашто победила преку непорочни подвизи.

³Многубројното потомство на безбожникот нема никаква полза, воздивнувањата на прељубниците не пуштаат длабоки корења и немаат тврда основа.

⁴Зашто, ако набрзина пуштаат гранки, слабо вкоренети, ќе се расклатат од ветрот, а од ударите на силните ветрови — ќе бидат искорнати.

⁵Кревките гранки ќе се искршат, плодот ќе им биде бесполезен, незрел за храна и непотребен ѕа ништо;

⁶зашто деца родени од беззаконски бракови — сведоци се ѕа развратот на своите родители при распитот на судот.

⁷А праведникот и рано да умре, ќе биде во мир,

⁸оти; чесната старост не е во долговечноста, ниту се иѕбројува со бројот на годините.

⁹Мудроста — тоа се белите човечки коски, а непорочниот живот — возраст на староста.

¹⁰Откако Му угодил на Бога, праведникот е засакан и, откако живеал меѓу грешниците, Бог го прибрал;

¹¹грабнат е, злобата да не го измени неговиот разум и подмолноста — да не ја заведе неговата душа.

¹²Зашто, извршувањето на лошото го помрачува доброто, а страсното бранување го развратува незлобивиот ум.

¹³Кој достигнува совршенство во кратко време, тој живее долго;

¹⁴зашто неговата душа Му била угодна на Господа, затоа и побрзал да го избави од безбожноста околу него. А луѓето го видоа тоа, и не го разбраа, дури и не помислија ѕа тоа,

¹⁵дека Бог има благодат и милост ѕа Своите светии и промисла — ѕа Своите иѕбраници.

¹⁶Праведник, умирајќи, ќе ги осуди живите безбожници и младоста што стигнала бргу до совршенство — долговечната старост на неправедникот,

¹⁷зашто тие ќе го видат крајот на мудриот и не ќе сфатат што определил Господ за него и зошто го поставил во безопасност;

¹⁸тие ќе видат и ќе го понижат, но Господ ќе им се потсмее;

¹⁹и потоа тие ќе бидат презрен труп и срам меѓу умрените довека, зашто Он ќе ги турне и тие ќе паднат безгласно ничкум — ќе ги отргне од нивната основа и тие најпосле ќе опустеат, ќе бидат во жалост и споменот за нив ќе загине;

²⁰сознавајќи ги своите гревови, тие ќе застанат со страв и нивните беззаконија самите нив ќе ги осудат.