Read Lamkang Мудрост Сирахова 37 Bible Online

Мудрост Сирахова 37 - Lamkang bible

Мудрост Сирахова 37

¹Лажни пријатели. Секој пријател вели: »И јас сум ти пријател.« Но многумина пријатели се само по име.

²Не е ли тоа тага до смрт, кога пријател и другар непријател станува?

³О, лоша мисла, од каде се најде? Зошто ја покриваш земјата со подлост?

⁴Пријателот се радува со другарот свој кога е весел, а дојде ли тага — против него ќе биде.

⁵Пријателот е пријател поради стомакот, а кога војна дојде — за штит се фаќа.

⁶Не заборавај го пријателот во твојата душа; и кога ќе се збогатиш — спомнувај си за него.

⁷Секој советник советот свој го фали, но некои советуваат во своја полза.

⁸чувај ја душата своја од советник. Најнапред испитај што му е нужно, зашто можеби тој ќе советува за своја корист.

⁹Можеби тој ќе ти фрли жрепка и ќе ти рече: »Патот ти е добар«, а потоа отстрана ќе застане да види што ќе ти се случи.

¹⁰Не советувај се со оној што злото ти го сака; на завидливиот не откривај му ги твоите намери.

¹¹Не советувај се со жена за нејзината соперница, со страшлив — за војна, со трговец — за размена, со купувач — за продажба, со завидлив — за благодарност.

¹²со немилосрден — за добротворство, со мрзлив — за работа.

¹³со годишен наемник — за крајот на работата, со мрзлив слуга — за многу работи.

¹⁴Од такви луѓе никогаш совет не слушај,

¹⁵туку обрнувај се кон побожен човек, за кого знаеш дека заповедите Божји ги извршува.

¹⁶Кој со тебе една душа има и, ако паднеш, за тебе ќе жали.

¹⁷Но најмногу на твоето срце внимавај; немаш никого поверен од него;

¹⁸душата на човека повеќе му кажува отколку седуммина стражари што на високо место стојат.

¹⁹Само, пред сѐ, моли Му се на Севишниот да те води по патот на вистината.

²⁰Размислувањето е почеток на секоја работа; пред секоја работа потребен е совет.

²¹Измените на срцето се гледаат на лицето. Четири состојби се искажуваат со тоа: доброто и злото, животот и смртта — а јазикот секогаш им е госодар.

²²Некој може други да поучува, а некорисен е за својата душа.

²³А друг е говорник вешт но не сака; таков ќе умре од глад;

²⁴таквиот од Господа нема благодат; затоа е лишен од секаква мудрост.

²⁵Некој е мудар за својата душа; плодовите на знаењето на неговата уста се надежни.

²⁶Мудрецот својот народ го поучува; плодовите од неговото знаење со надеж се полни.

²⁷Мудриот човек изобилува со благослов; сите што ќе го видат за блажен го сметаат.

²⁸Животот на човекот се определува по бројот на деновите, а деновите на Израел број немаат.

²⁹Мудрецот добива доверба од својот народ; името негово ќе живее довека.

³⁰Синко, во животот твој испитувај ја и набљудувај ја твојата душа; види што е за неа штетно, и не давај ѝ го;

³¹зашто за сите не сѐ е корисно; душата на секого не е расположена за сѐ.

³²Не прејадувај се со секакви сладости и не лакоми се на јадења.

³³Од многу јадења доаѓа болест; прејадувањето го расипува стомакот;

³⁴од прејадување многумина умреле; кој се воздржува — животот свој го продолжува.