Read Lamkang Мудрост Сирахова 8 Bible Online

Мудрост Сирахова 8 - Lamkang bible

Мудрост Сирахова 8

¹Предавство. Не карај се со силен човек, за да не паднеш некогаш во неговите раце.

²Не суди се со богат човек, за да не го загубиш своето право:

³златото погубило многумина; тоа измамило и срца на цареви.

⁴Не карај се со дрзок човек; не клавај дрва на неговиот оган.

⁵Не шегувај се со невоспитан човек, за да не бидат изложени твоите прадедовци на осрамотување.

⁶Не прекорувај човек којшто се оттргнал од својот грев; не заборавај дека сите сме виновни.

⁷Стар човек не презирај, зашто и ние старееме.

⁸Не радувај се кога некој умре; спомни си дека сите ние ќе умреме.

⁹Биди внимателен кон она што го кажуваат и размислувај за мудрите, почитувај ги нивните мудри изреки;

¹⁰бидејќи од нив ќе добиеш поука: ќе се научиш како да им служиш на силните.

¹¹Не потценувај го кажувањето на старците, зашто и тие се учеле од своите татковци;

¹²од нив ќе се научиш на разумност; ќе научиш кога и каков одговор да даваш.

¹³Не разгорувај ги гламјите на грешникот, за да не изгориш во пламенот на неговиот оган.

¹⁴Не дозволувај подбивачот да се разгневи, за да не ти постави стапица на устата твоја.

¹⁵Не давај заем на човек посилен од тебе; ако, пак, му дадеш. сметај го даденото за загубено.

¹⁶Не застапувај се за друг надвор од своите можности; ако го сториш тоа, сметај дека си задолжен да платиш.

¹⁷Не суди се со судија, зашто ќе му пресудат според неговата чест.

¹⁸Не поаѓај на пат заедно со премногу смел човек, зашто ќе ти дотегне; тој ќе постапува како што сака, а од лудоста негова и ти можеш да загинеш.

¹⁹Со дрзок човек не почнувај кавга и по пустина не патувај со него, зашто пред неговите очи крвта е ништо, на место беспомошно тој и ќе те погуби.

²⁰Не советувај се со глупак, зашто тој не може да сокрие тајна.

²¹Пред туѓинец не откривај тајни, зашто не знаеш што ќе направи тој.

²²Срцето твое не откривај го на секој човек; не чекај добро од секого.