Read Lamkang Мудрост Сирахова 9 Bible Online

Мудрост Сирахова 9 - Lamkang bible

Мудрост Сирахова 9

¹Однесување со луѓето. Не биди љубоморен на својата сакана жена: не давај ѝ лош пример против себе самиот.

²На твојата жена не предавај ѝ ја твојата душа, за да не се побуни против тебе.

³До блудница не приближувај се, за да не паднеш во нејзните примки.

⁴Со пејачка не дружи се: со уметноста своја може да те плени.

⁵Не загледувај се во девојка, за да не бидеш соблазнет од нејзината убавина.

⁶На блудница не давај ѝ ја својата душа, за да не го загубиш твојот имот.

⁷Не обѕрнувај се по улиците на градот и не талкај по неговите пусти делови.

⁸Убава жена не гледај; не загледувај се во туѓа убавина.

⁹Женската убавина многумина заведува; од неа како од оган се распалуваат страстите.

¹⁰Со жена омажена никогаш не седи, вино не пиј заедно со неа;

¹¹душата твоја да се не приврзе за неа; обземен од страсти — в бездна да не пропаднеш.

¹²Стар пријател не отфрлај; новиот со него не се споредува;

¹³новиот пријател е како ново вино; кога стане старо — со наслада го пиеш.

¹⁴На славата на грешникот не завидувај, зашто не знаеш каков ќе му биде крајот.

¹⁵Не одобрувај го она што го прават безбожниците; помни дека нема да им трае среќата до пеколот.

¹⁶Далеку биди од човек што има власт да убива, па страв смртен нема да те прогонува,

¹⁷а ако се зближиш со него, добро пази се да не загинеш;

¹⁸Знај дека сред стапица одиш, дека по врвовите на ѕидините градски чекориш.

¹⁹Со ближните свои дружи се, но со мудрите советувај се.

²⁰Разговор води со разумни луѓе; зборовите твои според законот на Севишниот да бидат.

²¹Со мажи праведни лебот твој дели го; во стравот Господен нека ти биде славата.

²²Споед раката на уметникот се пофалува делото, а владетелот на народот — според неговите зборови.

²³Во градот се плашат од човек со дрзок јазик и го мразат оној којшто неразумно говори.