Read Lamkang Исаија 18 Bible Online

Исаија 18 - Lamkang bible

Исаија 18

¹Тешко ѝ е на земјата, која се осенчува со крилја од онаа страна на етиопските реки,

²која испраќа гласници по море и рогозени чунови по водите! Одете, брзи гласници, при народ јак и бодар, при народ страшен од почетокот до денес, при народ здрав и кој сѐ победува, чија земја реки ја пресечуваат.

³Сите вие, што ја населувате вселената и живеете на земјата, гледајте кога ќе се крене знаме на планините, кога ќе затруби трубата!

⁴Зашто, така ми рече Господ: Јас гледам спокојно од Своето живеалиште, како светла жега — по дожд, како облак роса — при жетвен припек.

⁵Зашто пред гроздобер, кога грозјето ќе прецути, и гроздот ќе почне да узрева, Он ќе ги исече со сорче прачките и ќе ги одземе, и ќе ги искастри фиданките.

⁶Ќе остават сѐ на грабливите планински птици и на полските ѕверови: и птици ќе летаат таму, а полските ѕверови таму ќе зимуваат.

⁷Во она време ќе биде принесен дар на Господа Саваот од народ јак и бодар, од народ страшен од почетокот до денес, од народ здрав што гази друг народ, чија земја реки ја пресечуваат, — кај местото, каде што е името на Господа Саваот врз гората Сион.