Read Lamkang Левит 2 Bible Online

Левит 2 - Lamkang bible

Левит 2

¹»Ако некој Му принесе на Господа лебна жртва, нека принесе пченично брашно, и нека го прелие со елеј, па на него нека стави ливан;

²нека ја донесе тој кај синовите Аронови, свештениците, а свештеникот да земе полна рака од брашното пченично со елеј и сиот нејзин ливан, па нека ја запали таа свештеникот на жртвеникот како спомен нејзин; тоа е жртва со пријатен мирис на Господа,

³а она што ќе остане од жртвата нека биде за Арона и за синовите негови: тоа е најголема светиња меѓу жртвите на Господа,

⁴Ако, пак, се принесува дар жртва од пченично брашно печена во печка, тоа нека бидат бескрасни лебови, замесени со елеј, и бесквасни питки, намажани со елеј.

⁵Ако ти е жртвата дар пржен во тава, нека биде со пченично брашно, земесено со елеј, без квас;

⁶раскрши ја на парчиња и полеј ја со елеј: тоа е жртва на Господа.

⁷Ако ти е дарот твој жртва од огниште, таа треба да биде направена од пченично брашно со елеј.

⁸И принеси ја жртвата, што си ја приготвил од тоа, на Господа: претстави ја пред свештеникот, а тој нека ја положи на жртвеникот;

⁹и свештеникот нека земе дел од таа жртва за спомен и нека ја изгори на жртвеникот: тоа жртва со благопријатен мирис пред Господа;

¹⁰остатокот, пак, од жртвата нека биде за Арона и синовите негови; тоа е најголема светиња меѓу жртвите на Господа.

¹¹Секоја жртва, што Му ја принесувате на Господа, не правете ја со квас, зашто ни квас ниту мед не треба да се принесува како жртва на Господа.

¹²Принесувајте Му ги нив на Господа како привини од плодовите; но на жртвеникот да не се полагаат како пријатен мирис пред Господа.

¹³Секој дар од вашата жртва со сол засоли го, и не оставај ја жртвата своја на заветот на твојот Бог без сол: при секоја жртва принеси сол.

¹⁴Ако Му принесуваш на Господа жртва од првите житни плодови, принесувај ја како дар од своите први плодови во зрна од исчукани пресни класја, исушени на оган,

¹⁵полиј ја со елеј и стави врз неа ливан: тоа е жртва,

¹⁶а свештеникот да изгори дел од зрната и елејот со сиот ливан за спомен: тоа е принос на Господа.«