Read Lamkang Јеремија 28 Bible Online

Јеремија 28 - Lamkang bible

Јеремија 28

¹Во истата година, во почетокот на царувањето на јудејскиот цар Седекиј, во четвртата година, во петтиот месец, Ананија, синот Азуров, пророк од Гаваон, зборуваше во домот Господен пред свештениците и сиот народ, велејќи:

²— вака вели Господ Саваот, Бог Израилев: ќе го скршам јаремот на вавилонскиот цар;

³по две години ќе ги вратам во ова место сите садови од домот Господен, кои вавилонскиот цар Навуходоносор ги зеде одовде и ги однесе во Вавилон.

⁴и јудејскиот цар Јехонија, синот Јоакимов, и сите заробени Јудејци, што отидоа во Вавилон, ќе ги вратам на ова место, вели Господ; бидејќи ќе го скршам јаремот на вавилонскиот цар.

⁵И му рече пророкот Јеремија на пророкот Ананија пред сите свештеници и пред сиот народ, што стоеше во домот Господен,

⁶па кажа пророкот Јеремија: нека биде така, нека го изврши тоа Господ, нека ги исполни Господ зборовите твои што ги изрече за враќањето од Вавилон, на садовите од домот Господен на ова место, и за сите заробени!

⁷Само чуј го зборот што ќе ти го кажам, чуј го ти, а нека го чуе и сиот народ;

⁸пророрците, што беа пред мене и пред тебе, им претскажуваа на многу земји и на големи царства — војна, беда и помор.

⁹Ако некој пророк претскажал мир, само тогаш тој бил признаван за пророк, навистина испратен од Господа, кога ќе се исполни зборот на тој пророк.

¹⁰Тогаш пророкот Ананија го зеде јаремот од вратот на пророкот Јеремија и го скрши.

¹¹И рече Ананија пред сиот народ: »вака вели Господ — ете, така ќе го строшам јаремот на вавилонскиор цар Навуходоносора по две години, откако ќе го извадам од вратот на сите народ. Тогаш си отиде Јеремија по својот пат.

¹²И би слово Господово до Јеремија, откако пророкот Ананија го скрши јаремот од вратот на пророкот Јеремија:

¹³оди и кажи му на Ананија — вака вели Господ: ти го скрши дрвениот јарем, но место него направи железен.

¹⁴Зашто така вели Господ Саваот, Бог Израилев: железен јарем ќе им ставам на вратот на сите овие народи за да му работат на вавилонскиот цар Навуходоносора, и тие ќе му служат; дури и ѕверовите полски нему му ги предадов.«

¹⁵Па му рече пророкот Јеремија на пророкот Ананија: слушај, Ананија, Господ не те пратил, и ти лажна надеж му даваш на овој народ.

¹⁶Затоа, вака вели Господ: еве, Јас ќе те исфрлам од лицето на земјата; уште во текот на оваа година ќе умреш, бидејќи зборуваш против Господа.

¹⁷И умре пророкот Ананија во таа година во седмиот месец.