Read Lamkang Јеремија 29 Bible Online

Јеремија 29 - Lamkang bible

Јеремија 29

¹Еве ги зборовите од писмото, кое пророкот Јеремија го испрати од Ерусалим до другите старешини меѓу преселените, до свештениците, до пророците и до сиот народ, кој Навуходоносор беше го одвел од Ерусалим во Вавилон,

²откако беа излегле од Ерусалим царот Јехонија, царицата, дворјаните, кнезовите на Јудеа и на Ерусалим, дрводелците и ковачите,

³преку Елеаса, синот Сафанов, и преку Гамарија, синот Хелкиев, кои јудејскиот цар Седекија ги испрати во Вавилон до вавилонскиот цар Навуходоносора,

⁴— вака вели Господ Саваот, Бог Израилев, до сите заробени, кои Јас ги преселив од Ерусалим во Вавилон —

⁵правете куќи и живејте во нив, садете градини и јадете ги плодовите нивни;

⁶женете се и раѓајте синови и ќерки; и на синовите земајте им жени и ќерките и мажете ги, за да раѓаат синови и ќерки, па размножувајте се таму, а не да се намалувате.

⁷Грижете се за доброто на градот, во кој ве преселив, и молете Му се на Бога за него; оти, ако му е нему добро, и вие ќе имате мир.

⁸Зашто така вели Господ Саваот, Бог Израилев: нека не ве мамат вашите пророци, кои се меѓу вас и вашите бајачи; и не верувајте им на соништата што ги сонувате.

⁹Лажно ви пророкуваат во Мое име; Јас не сум ги пратил, вели Господ.

¹⁰Бидејќи така вели Господ — кога во Вавилон ќе исполните седумдесет години, тогаш ќе ве посетам и ќе го исполнам Мојот добар збор за вас, за да ве вратам на ова место.

¹¹Оти само Јас ги знам замислите, што сум ги смислил за вас, вели Господ, замислите за добро, а не за зло, за да ви дадам иднина и надеж.

¹²Па ќе повикате по Мене, ќе појдете и ќе Ме замолите, и Јас ќе ве чујам;

¹³ќе Ме побарате, и ќе Ме најдете, ако Ме побарате од сѐ срце.

¹⁴Ќе Ме најдете, вели Господ, и ќе ве вратам од ропство и ќе ве соберам од кај сите народи и од сите мсета, каде што ве изгонив, вели Господ, и ќе ве вратам онаму, од каде што ве преселив.

¹⁵Вие велите: »Господ ни издигна пророци и во Вавилон.«

¹⁶Така вели Господ за царот, кој седи на Давидовиот престол, и за сиот народ, што живее во тој град; за браќата ваши, што не се одведени со вас во ропство.

¹⁷Вака вели Господ Саваот за нив — еве, ќе испратам врз нив, меч, глад и помор и ќе ги направам како лошите смокви, што не можат да се јадат поради негодниот вкус;

¹⁸и ќе ги гонам со меч, глад и помор и ќе ги предадам на зло кај сите земни царства, за проклетство и ужас, за потсмев и навреда меѓу сите народи, каде што ќе ги оттерам,

¹⁹поради тоа што не ги слушаа зборовите Мои, вели Господ, што ги праќав до нив преку слугите Мои, пророците, ги праќав од рано утро, но не послушавте, вели Господ.

²⁰А вие, сите преселиен, што ве пратив од Ерусалим во Вавилон, чујте го словото Господово:

²¹вака вели Господ Саваот, Бог Израилев, за Ахава, синот на Колија, и за Седекија, синот на Масеа, кои ви пророкуваат лага во Мое име: еве, Јас ќе ги предадам во рацете на вавилонскиот цар Навуходоносора, и тој ќе ги убие пред очите ваши.

²²И сите преселени Јудејци, кои се во Вавилон, ќе се научат од нив да колнат: »Да ти направи Господ, како што им направи на Седекија и на Ахава, кои вавилонскиот цар ги изгоре на оган,«

²³поради тоа што вршеа гнасни работи во Израилот: прељубодејствуваа со жените на ближните свои и во Мое има кажуваа лага, што не сум им заповедал; Јас го знам тоа и Сам сум сведок, вели Господ.

²⁴И на Семаја од Елам речи му:

²⁵вака вели Господ Саваот, Бог Израилев: поради тоа што во свое име праќаше писма до сиот народ во Ерусалим и до свештеникот Софонија, син Масејев, и до сите свештеници, велејќи:

²⁶Господ те поставил за свештеник место свештеникот Јодај, за да бидеш меѓу надзорниците во домот Господен, та секој што беснее и пророкува, да го затвориш и да го ставиш во клада.

²⁷Зошто не му забраниш на Јеремија од Анатот да пророкува кај вас?

²⁸Заради тоа и до нас во Вавилон испрати да кажат: »ропството ќе трае долго — правете куќи и живејте во нив, обработувајте ги градините и јадете ги плодовите нивни.«

²⁹Кога свештеникој Софониј го прочите тоа писмо на глас пред пророкот Јеремиј,

³⁰тогаш би слово Господово до Јеремија:

³¹Испрати, па кажи им на сите преселени — вака вели Господ за Семаја од Елам — бидејќи Семаја пророкува кај вас, а Јас не сум го пратил, и ви кажува лажна надеж,

³²затоа, вака вели Господ: еве, ќе го казнам Семаја од Елам и племето негово; ќе нема од него човек да живее меѓу овој народ и нема да го види доброто, што ќе му го направам на Мојот народ, вели Господ — оти тој зборува против Господа.