Read Lamkang Јеремија 6 Bible Online

Јеремија 6 - Lamkang bible

Јеремија 6

¹Бегајте, деца Венијаминови, од Ерусалим, трубете со труба во Текоја и јавете преку оган во Вет — Акерем, зашто откај север се појавува зло и голема погибел.

²Јас ја разубавив ќерката Сионова, прекрасна и разнежена.

³Ќе дојдат кај неа пастири со стадата свои, ќе распнат шатори околу неа; секој ќе го пасе својот дел.

⁴Гответе против неа војна; станувајте да тргнеме на пладне. Тешко нам! Денот веќе одминува, се спушаат вечерни сенки.

⁵Станувајте да одиме и ноќе, и да ги срушиме нејзините дворци!

⁶Зашто вака вели Господ Саваот: сечете дрвја и кревајте насипи против Ерусалим: тој град треба да се казни; во него се врши секакво насилство.

⁷Како што од извор блика вода, така и од него блика зло: во него се слуша насилство и отимање, пред Моето лице секогаш има навреди и рани.

⁸Вразуми се, Ерусалиме, за да не се отстрани од тебе душата Моја и да не те направам пустиња, земја ненаселена.

⁹Вака вели Господ Саваот: докрај ќе ги оберат остатоците на Израилот, како грозје; работи со раката своја, како берач на грозје, кога полни кошници.

¹⁰Кому да му говорам и кого да го убедувам, за да чујат? Ете, нивното уво е необрезано, и тие не можат да слушаат; ете, словото Господово кај нив е за потсмев; тоа им е непријатно.

¹¹Поради тоа јас сум преполнет со Господова јарост, не можам да ја држам во себеси; ќе ја излеам врз децата по улиците и врз собрани младинци, ќе бидат земени маж со жена, старец со млад.

¹²И куќите нивни ќе ги присвојат други, исто така и нивите и жените; зашто ќе ја протегнам раката Своја врз жителите на таа земја, вели Господ.

¹³Зашто од мал до голем, секој од нив се предал на лакомост, и пророк и свештеник — сите дејствуваат лажливо:

¹⁴ги лекуваат раните на Мојот народ лесномислено, велијќи: »мир! мир!« а мир нема.

¹⁵Се срамуваат ли тие, кога вршат гадотии? Не, никако не се срамуваат и не црвенеат. Затоа ќе паднат меѓу паднатите, и во време на Мојата посета ќе бидат соборени, вели Господ.

¹⁶Вака вели Господ: — застанете на вашите патишта, разгледајте и распитајте за дамнешните патишта, каде е добриот пат, врвете по него, и ќе најдете спокојство на душите свои. Но тие рекоа: нема да врвиме.

¹⁷И поставив чувари над вас, и реков: »слушајте го звукот на трубата.« Но тие рекоа: — нема да слушаме.

¹⁸И така, чујте народи, и знај, собрание, што ќе стане со нив.

¹⁹Чуј, земјо: ете, ќе испратам против овој народ погибел, плод на помислите нивни; зашто тие не ги слушаа Моите зборови и Мојот закон го отфрлија.

²⁰Зошто Ми е Ливан, што иде од Сава, и миризлива трска — од далечна земја? Вашите сепаленици не Ми се угодни, и вашите жртви не Ми се пријатни.

²¹Затоа вака вели Господ: ете, поставувам пред овој народ пречки, и ќе се сопнат од нив таткото и децата заедно, соседот и неговиот пријател, и ќе загинат.

²²Вака вели Господ: — ете, иде народ од северна земја, и голем народ се крева од земните краишта;

²³во рацете држат лак и копје; тие се жестоки и немилостиви, гласот нивни им бучи како море, и летаа на коњи, наредени како еден човек, за да удрат протв тебе, ќерко Сионова.

²⁴Чувме вест за нив, и рацете ни премалеа, скрб нѐ обзеде, маки — како жена при раѓање.

²⁵Не излегувајте на нива и на пат не одете, зашто непријателски меч и ужас од сите страни е.

²⁶Ќерко на Мојот народ, препаши се со кострет и посипи се со пепел; тагувај како за син единец — горко плачи; зашто ненадејно ќе дојде врз нас погубник.

²⁷Те поставив за кула среде Мојот народ, за столб, за да знаеш да ги испитуваш нивните патишта.

²⁸Сите тие се упорни одметници, живеат со клевета; тоа се бакар и железо — сите се расипани.

²⁹Мевот изгоре; оловото се стопи од огнот; леарот топи напразно, зашто лошите не се отстранија;

³⁰ќе ги наречат лажно сребро, зашто Господ ги отфрли.