Read Lamkang Плач Јеремиин 5 Bible Online

Плач Јеремиин 5 - Lamkang bible

Плач Јеремиин 5

¹Спомни си, Господи, што нѐ снајде; милостиво погледај и види ја поругата наша!

²Наследството наше мина на туѓинци, куќите наши — на луѓе од други племиња;

³останавме сираци, без татко; мајките наши се како вдовици.

⁴водата своја ја пиеме за сребро, дрвата наши ги купуваме со пари.

⁵На вратот имаме јарем, и нѐ гонат; исцрпени сме и не ни даваат да здивнеме.

⁶Протегаме рака кон Египтјаните, кој Асирците, за да се нахраниме со леб.

⁷Татковците наши грешеа: нив ги нема веќе, а ние трпиме казна за нивното беззаконие.

⁸Робовите ни се господари, а нема кој да нѐ избави од рацете нивни.

⁹Лебот го добиваме со страв — пред мечот во пустињата.

¹⁰Кожата ни поцрнела како печка од лут глад.

¹¹Жените ни ги бесчестат на Сион, девојките — во градовите јудејски.

¹²Кнезовите ги изобесија со свои раце, лицата на старците не ги почитуваа.

¹³Младичите носеа рачници, а децата паѓаа под товари дрва.

¹⁴Старците веќе не седат пред портите; младичите не пеат.

¹⁵Се сврши радоста на срцето наше; нашите ора се претворија во тага.

¹⁶Падна венецот од нашата глава; тешко нам, што згрешивме!

¹⁷Поради тоа и чезнее срцето наше; поради тоа и потемнеа очите наши.

¹⁸Бидејќи запусте гората Сион, лисици одат по неа.

¹⁹Ти, Господи, остануваш вечно; престолот Твој е од род во род.

²⁰Зошто наполно нѐ забораваш, нѐ оставаш долго време?

²¹Обрни нѐ кон Себе, Господи, и ние ќе се обрнеме; обнови ги деновите наши како во старо време.

²²Зар наполно си нѐ отфрлил, зар без мерка си се разгневил на нас?